ل ژێر چاڤدێريا حكوومه‌تا هه‌رێما كوردستانێ،ئيرۆ سێ شه‌مبوويێ،ب ئاماده‌بوونا وه‌زيرێ نافخۆى و به‌رپرسێ په‌يوه‌نديێن ده‌رڤه يێن هه‌رێمێ و هه‌موو كونسلێن وه‌لاتان يێن ل هه‌ولێرێ و چه‌ند رێكخراوێن نێڤ ده‌وله‌تى و unوundp و قايممقامێ شنگالێ،كۆنگره‌يه‌ك ل هه‌ولێرێ هاته گرێدان.
راگه‌هاندنا قايممقاميا قه‌زا شنگالێ راگه‌هاند،دڤێ كۆنگره‌يى داقايممقامێ شنگالێ(مه‌حما خه‌ليل) په‌يڤه‌ك پێشكێشكر و تێدا ته‌كه‌ز ل پشته‌ڤانيكرنا خه‌لكێ شنگالێ مادى و مه‌عنه‌وى كر،داخوازا رزگاركرنا ره‌ڤانديان و ب جينۆسايد ناساندنا كاره‌ساتا شنگالێ كر،هه‌روه‌سا ژ كونسلێن هه‌موو وه‌لاتان خواست پشته‌ڤانيا خه‌لكێ قه‌زايێ بكه‌ن و شنگال ببته پارێزگه‌ه.
هه‌ر دكۆنگره‌يى دا فلمه‌كى ڤيديۆيێ ل سه‌ر زيانێن ب شنگالێ كه‌فتين هاته نيشاندان.
ژبال خۆڤه كونسلێن هه‌موو وه‌لاتان دووپاتكرن و پشته‌ڤانيا خۆ بۆ شنگالێ دياركرن و له‌ز كرن بۆ دووباره ئاڤه‌دانكرنێ.
ل داويێ ژى به‌شداربوويى ژبال قايممقامێ شنگالێ ڤه ب ئارمێ شنگال هاتنه خه‌لاتكرن.
