التخطي إلى المحتوى الرئيسي
بحث هذه المدونة الإلكترونية
ڤيان ده‌خيل دخوازت ڤه‌كۆلين ل سه‌ر ئاڤاكرنا 20هه‌زار يه‌كه‌يێن ئاكنجيبوونێ بێته كرن
ئێزديخان نيوز:
په‌رله‌مانتارا ئێزدى(ڤيان ده‌خيل)ژ ده‌سته و لژنا ده‌ستپاكيێ يا نيابى دخوازت لژنه‌كا ڤه‌كۆلينێ پێك بينت،ل سه‌ر وێ چه‌ندێ يا وه‌زيرێ كۆچێ ل دۆر ئاڤاكرنا 20هه‌زار يه‌كه‌يێن ئاكنجيبوونێ بۆ ئاواره‌يێن ئێزدى ل پارێزگه‌ها دهۆكێ.
نڤيسينگه‌ها راگه‌هاندنا په‌رله‌مانتار(ڤيان ده‌خيل) ئه‌نداما ئه‌نجوومه‌نێ نوونه‌رێن عێراقێ،ئيرۆ 2ى ئادارێ 2016،دراگه‌هاندنه‌كێ دا به‌ياننامه‌يا وێ به‌لاڤكريه و تێدا هاتيه:ئه‌م ب تووندى مه‌نده‌هۆش بووين ژ داخۆيانيا(درباز مه‌حه‌مه‌د)وه‌زيرێ كۆچ و كۆچبه‌ران ل حكوومه‌تا عێراقێ يا ئتيحادى ل ده‌مێ ديدارا وى دگه‌ل(ريتا ئيزاك)بريارده‌را تايبه‌ت يا نه‌ته‌وه‌يێن ئێكگرتى بۆ كاروبارێن كێمينه‌يان،وه‌ختێ دياركرى كو وه‌زاره‌تا وى كارى 20هه‌زار يه‌كه‌يێن ئاكنجيبوونێ بۆ ئاواره‌يێن ئێزدى ل پارێزگه‌ها دهۆكێ ئاڤا بكه‌ت.
ئه‌و جهێ سه‌رسۆرمانا مه‌يه ئه‌وه وه‌زاره‌تا وى ئێك يه‌كه‌يێن ئاكنجيبوونێ بۆ ئاواره‌يێن ئێزدى ل دهۆكێ يان ده‌ره‌كا دى دروست نه‌كريه،له‌وا ژ ده‌سته و لژنا ده‌ستپاكيێ يا نيابى دخوازين لژنه‌كا ڤه‌كۆلينێ پێك بينت ل سه‌ر وێ چه‌ندێ يا وه‌زيرێ كۆچێ ل دۆر ئاڤاكرنا 20هه‌زار يه‌كه‌يێن ئاكنجيبوونێ و دبت بوودجه‌يه‌كا ته‌مام بۆ ڤى پرۆژێ رۆناهى نه ديت بت هاتبته ته‌رخانكرن،ژبلى هندێ ئه‌گه‌ر مه‌ره‌ما وى كه‌مپه بن،يان خيڤه‌تێ ب هژمێرت ب يه‌كه‌يا ئاكنجيبوونێ،ل ڤێده‌رێ ژ وى دخوازين بلا كه‌ره‌م كه‌ت بۆ ماوێ رۆژه‌كێ ل ڤان يه‌كه‌يێن ئاكنجيبوونێ بژيت،دا باش بزانت ئازارێن يێن تێدا ژپترى ساله‌ك و نيڤان.
