دانوستاندنا ناديا موراد ل وه‌زاره‌تا ده‌رڤه‌يا فه‌ره‌نسا
ئێزديخان نيوز:
(ناديا موراد)پشتى سه‌ره‌دانا خۆ بۆ بريتانيا ب داوى ئينايى،سه‌ره‌دانا فه‌ره‌نسا كر و ل وه‌زاره‌تا ده‌رڤه‌يا وى وه‌لاتى، ل گه‌ل رێڤه‌به‌رێ وه‌زاره‌تێ ل نوونه‌راتيا فه‌ره‌نسا ل نه‌ته‌وه‌يێن ئێكگرتى و شيره‌تكارێ تايبه‌تێ كاروبارێن ئايينى و ژماره‌يه‌كا كارمه‌ندێن وه‌زاره‌تێ دانوستاندن كر.
دراگه‌هاندنه‌كێ دا كچا ئێزدى(ناديا موراد) ئاشكه‌راكر:ل رێككه‌فتى 16شووباتێ،د دانوساتاندنه‌كێ دا ل
وه‌زاره‌تا ده‌رڤه‌يا فه‌ره‌نسا ل گه‌ل(جين_بيرى لاكسوس) رێڤه‌به‌رێ وه‌زاره‌تێ ل
نوونه‌راتيا فه‌ره‌نسا ل نه‌ته‌وه‌يێن ئێكگرتى و(جين_كرستوف بيوسيلى) شيره‌تكارێ تايبه‌تێ
كاروبارێن ئايينى و ژماره‌يه‌كا كارمه‌ندێن وه‌زاره‌تێ، وێ و سه‌رۆكێ جڤاتا كارگێريا رێكخراوا يه‌زدا دانوستاندن ل گه‌ل وان كر و كۆمكوژيا ئێزديان و هه‌ڤركيێن كێمينه تووش دبنێ و گه‌ڤێن ل مانا وان دكه‌ن و ره‌ڤانديێن ئێزدى و رۆلێ فه‌ره‌نسا ل جڤاتا ئاسايشێ بۆ به‌ره‌نگاربوونا داعشێ و ب ده‌ست ڤه ئينانا دادپه‌روه‌ريێ بۆ هه‌موو قوربانيان گه‌نگه‌شه‌كرن.
هه‌روه‌سا ئاماژه‌كريه ژى كو رێكخراوا يه‌زدا راپۆرت ل سه‌ر گۆرێن ب كۆم و ئامارێن ديتر گرێدايێ ب كۆمكوژيێ بوون پێشكێشكرن.
