التخطي إلى المحتوى الرئيسي
بحث هذه المدونة الإلكترونية
هێزا رۆژ،يه‌كه‌يا ئێزديان هاتيه مه‌شقدان بۆ به‌شداريكرنێ درزگاركرنا مووسلێ دا
ئێزديخان نيوز:
ب سه‌دان كچێن ئێزدى،يێن ژ ده‌ستێن تيرۆرستێن داعشێ هاتينه رزگاركرن چۆينه دگه‌ل يه‌كه‌يه‌كا له‌شكه‌رى،ئارمانجا سه‌ره‌كى تۆلڤه‌كرنه ژ داعشێ،پشتى هاتينه سه‌بيكرن و ده‌ست درێژى ل وان هاتيه كرن ل چه‌ند هه‌يڤان دا.
ئاژانسا (اين) يا عێراقى ئاشكه‌راكر: رۆژنامه‌يا(هت نيوز)يا به‌لجيكى،ڤه‌كۆلينه‌ك ل سه‌ر يه‌كه‌يا نوو كريه و ئاماده‌كريه و ئيرۆ رۆژا چارشه‌مبوويێ 10شووباتێ به‌لاڤكريه،ئه‌و ژى ناڤێ(هێزا رۆژێ)ل سه‌ر يه‌كه‌يا ئێزديان هاتيه دانان،هه‌موو تووشى ئه‌شكه‌نجه‌دانێ و ده‌ست درێژيێ بووينه،يان هاتينه فرۆتن ل بازاران،پشتى داعشێ زه‌لام و زارۆكێن وان كوشتين. ل دووڤ رۆژنامێ،كچ و ژنێن ئێزدى ل سه‌ر ده‌ستێ هێزێن پێشمه‌رگه‌ى هاتينه مه‌شقدان و دێ چنه بال وێ هێزێ ئه‌وا شه‌رێ داعشێ دكه‌ت ل باژێرێ مووسلێ.
هه‌روه‌سا سه‌ركردا يه‌كه‌يێ(خاتون خزر)بۆ تۆرا فوكس نيوز يا ئه‌مريكى ل سه‌ر ئارمانجان ئاخفتيه و گۆت:ل سه‌رده‌مێ شه‌ران ژن قوربانى نه،مه نۆكه برياردا به‌ره‌ڤانيێ ژ خۆ بكه‌ين،به‌لكو ژ هه‌موو كێمينه‌يان ل عێراقێ.
