هه‌ر دسه‌ره‌دانا خۆدا قايممقامێ شنگالێ سه‌را نه‌خۆشخانا سنوونێ دا و چاڤ ب ستافێ ساخله‌ميێ كه‌فت و ژجهێن به‌رپرس خواست پێدڤيێن نه‌خۆشخانێ ب زووترين وه‌خت دابين بكه‌ن،پاشى قه‌ستا كۆمه‌لگه‌ها خانه‌سۆرێ كر و سه‌ره‌دانا(شێخ مراد حسێن عاشوور) كر و كه‌ره‌سته‌يا زه‌يتا غازێ بۆ وان دابينكر بۆ دانه كاركرنا موه‌لدێ كاره‌بێ ل كۆمه‌لگه‌هێ.
هه‌روه‌سا سه‌ره‌دانا بنگه‌هێ ساخله‌ميێ ل خانه‌سۆرێ كر و گازا سپى و زه‌يتا غازێ بۆ را دابينكر و دووپاتكر ل سه‌ر جهێن به‌رپرس يا پێدڤيه ده‌رمانان و كه‌لوپه‌لێن ساخله‌ميێ دابين بكه‌ن و سه‌ره‌دانا قوتابخانا كۆمه‌لگه‌هێ كر،پاشى قه‌ستا كۆمه‌لگه‌ها دووگرێ كر و سه‌ره‌دانا قوتابخانێ كر وسۆزدا ستافێ خووندنێ هاريكاريا وان بكه‌تن.
دچارچۆڤه‌يێ ڤێ سه‌ره‌دانێ دا،قايممقامێ شنگالێ قه‌ستا كۆمه‌لگه‌ها گوهبه‌ل ژى كر و گوه ل پێدڤيێن خه‌لكى بوو،سۆزدا قوتابخانه‌كێ ل كۆمه‌لگه‌هێ ڤه‌كه‌ت و موه‌لده‌كى كاره‌بێ بۆ وان دابين بكه‌ت و هاريكاريان بۆ وان ب هنێرت.
