تيمه‌كێ نۆژدارێن تايبه‌تمه‌ند دێ چاره‌يا زارۆكێن نه‌خۆش يێن ئاواره‌ كه‌ت

ئێزديخان نيوز: 

رێڤه‌به‌رێ كاروبارێن ئێزديان راگه‌هاند،تيمه‌كێ نۆژدارێن تايبه‌تمه‌ند ل ناڤه‌راستا هه‌يڤا بێت  بێ به‌رامبه‌ر دێ چاره‌يا زارۆكێن  نه‌خۆش يێن ئاواره‌ كه‌ت.

 رێڤه‌به‌ريا كاروبارێن ئێزديان ل پارێزگه‌ها دهۆكێ  ب هه‌ڤكارى دگه‌ل رێكخراوا جيهانى يا مافێ مرۆڤى تايێ ئه‌لمانيا،هاريكارى ب سه‌ر 700خێزانێن  ئاواره‌دا به‌لاڤكرن.

(هادى دوبانى)رێڤه‌به‌رێ رێڤه‌به‌ريا كاروبارێن ئێزديان ل پارێزگه‌ها دهۆكێ راگه‌هاند،هاريكارى پێك دئێن ژ جلكێن زڤستانێ و خواندنگه‌هێ  و هروه‌سا عه‌ره‌بانێن په‌ككه‌فتيان و هنده‌ك پێدڤيێن ديێن نۆژدارى،دووپاتكر ئه‌و دێ ل سه‌ر هاريكاريێن خۆ به‌رده‌وام بن دهه‌ياما چه‌ند رۆژێن بێت دا.

دوبانى دووپاتكرژى  ئاواره‌ تا نه‌ڤه‌گه‌رنه‌ ناڤ مالێن خۆ ل شنگالێ،به‌رده‌وام پێدڤى ب هاريكاريانه‌ و خواست رێكخراوێن مافێ مرۆڤى و جڤاكێ نێڤ ده‌وله‌تى و زێده‌تر هاريكاريا ئاواره‌يان بكه‌ن. 

گۆتژى تيمه‌كێ نۆژدارێن تايبه‌تمه‌ند ب زارۆكان ژى ل ناڤه‌راستا هه‌يڤا بێت  دێ سه‌را كوردستانێ ده‌ت  و دێ زارۆكان بێ به‌رامبه‌ر چاره‌كه‌ت.