ئه‌ندامه‌كى سه‌ركردايه‌تيا جڤاتا ئێزديێن سوريا دبێژت،ژئه‌گه‌رێ روودانێن نۆكه ره‌وشا ئێزديان ب زحمه‌تر لێهاتيه و پتر زه‌ره‌رمه‌ندن،ژبه‌ركو گوندێن ئێزديان ل ده‌ردۆرێن ده‌ڤه‌را عه‌فرينێ نه،پتر ژ جاره‌كێ گوندێن وان تووشى هێرشێن گرۆپێن ئيسلامى بووينه.
(به‌كرجه‌عفه‌ر)ئه‌ندامێ سه‌ركردايه‌تيا جڤاتا ئێزديێن سوريا د داخويانيه‌كێ دا بۆ مالپه‌رێ ئێزديخان نيوز گۆت:ئێزدى وه‌ك پێكهاته‌كى كورد يێن ره‌سه‌نن و هێش وه‌ك كورد و جاره‌كا دى وه‌ك ئێزدى يێ دنالن و ره‌وشا وان يا ب زه‌حمه‌ت بوو،نۆكه ره‌وشا وان پتر ب زه‌حمه‌ت كه‌فتيه ژبه‌ر روودانێن هاتينه پێش،ب ئه‌گه‌رێ كۆچكرنا ب ترس دێ بته مه‌ترسى ل سه‌ر كێمكرنا خه‌لكى ل سه‌ر ئه‌ردێ وان ب شێوه‌يه‌كى ديموكرافى،گرۆڤه بۆ ڤێ چه‌ندێ ده‌ڤه‌رێن كوردان دێ بته جهێ ئاكنجيبوونا خه‌لكه‌كێ ديتر.
گۆتژى ئێزديان تايبه‌تمه‌نديا جڤاكى و ئاينى يا هه‌ى،له‌وا ئێزدى پتر زه‌ره‌رمه‌ندن،چنكو گوندێن ئێزديان ل ده‌ردۆرێن ده‌ڤه‌را عه‌فرينێ نه،پتر ژ جاره‌كێ گوندێن وان تووشى هێرشێن گرۆپێن ئيسلامى بووينه.
ئه‌و چه‌نده ژى خوياكر،چاره‌نڤيسێ ئێزديان ژى گرێدايى چاره‌نڤيسێ كوردا ب تايبه‌تى و سوريا ب گشتى يه،ديسان ئێزديێن سوريا ب رێيا جڤاتا ئێزديێن سوريا گرێدانا خۆ ب ته‌واوى دگه‌ل شۆره‌شا ئازادى و كه‌رامێ راگه‌هاندينه.
