(ئه‌نجيلا ميركل)شيره‌تكارا ئه‌لمانى ل داوى گۆتارا خۆدا راگه‌هانديه،كو ئه‌و دگه‌ل پارتێن پشته‌ڤان دێ هه‌ول ده‌ن په‌نابه‌رێن ل وه‌لاتێن وان شه‌ر هه‌ين ب تنێ بۆ ماوێ سێ سالان ده‌رفه‌تا مانێ ل ئه‌لمانيا وه‌ربگرن،ئه‌وێن ديتر ژى ل وه‌لاتێن وان شه‌ر نه‌ى دێ ئێنه ڤه‌گه‌راندن.
ل سه‌ر ڤێ بريارا شيره‌تكارا ئه‌لمانى(دلشاد سمۆ)به‌رپرسێ به‌شێ ره‌وشه‌نبيرى ل بنگه‌هێ لالش ئه‌لمانيا دداخويانيه‌كێ ده بۆ ئێزديخان نيوز گۆت:ميركل دگۆتارا خۆ دا گۆت كو هه‌ر گاڤا شه‌ر ل وه‌لاتێن وه‌كى سووريا و عێراقێ نه‌ما دێ فشارێ ل سه‌ر خه‌لكێ وان وه‌لاتان كه‌ن داكو ڤه‌گه‌رن وه‌لاتێ خۆ و دياركرژى كو ئه‌و دگه‌ل پارتێن پشته‌ڤان دێ هه‌ول ده‌ن په‌نابه‌رێن ل وه‌لاتێن وان شه‌ر هه‌ين ب تنێ بۆ ماوێ سێ سالان ده‌رفه‌تا مانێ ل ئه‌لمانيا وه‌ربگرن،ئه‌وێن ديتر ژى ل وه‌لاتێن وان شه‌ر نه‌ى دێ ئێنه ڤه‌گه‌راندن.
سمۆ ئه‌و چه‌نده ژى دياركر،دگۆتارا خۆ دا ميركل چوو به‌حس ل ڤه‌گه‌راندنا كێم ئۆل و نه‌ته‌وا نه‌كريه وه‌ك مه‌سيحييان و ئێزديان.
ب گۆتنا دلشادى هه‌ر چه‌نده زۆر رێ و برگێت ياسايى هه‌نه ل دژى بريارا ڤه‌گه‌راندنا كێم ئۆل و نه‌ته‌وه‌يان كو مرۆڤ دكارت بكاربينت،ئه‌ڤ بريارنه دێ ل ده‌مى بت دا ب شێوه‌يه‌كى فه‌رمى دپرۆگرامێ حكوومه‌تێ و ده‌زگه‌هێن په‌يوه‌نديدار دا ئێن چه‌سپاندن.
