التخطي إلى المحتوى الرئيسي
بحث هذه المدونة الإلكترونية
بۆ گه‌نجێن ئێزدى يێن ل ئه‌لمانيا ئاكنجى...ڤێ ده‌ليڤێ ژ ده‌ست نه‌ده‌ن
ئێزديخان نيوز:
ب گۆتنا چه‌ند گه‌نج و ره‌وشه‌نبير و رۆژنامه‌ڤانێن ئێزدى يێن ل وه‌لاتێ ئه‌لمانيا ئاكنجى،پێدڤيه گه‌نجێن ئێزدى يێن ژ عێراقێ قه‌ستا ئه‌لمانيا دكه‌ن گرنگيێ ب فێربوونا زمانێ وى وه‌لاتى بده‌ن دا به‌رده‌واميێ بده‌نه خووندنا خۆ،رژديێ دكه‌ن ژى كو جڤاكێ ئه‌لمانى كارتێكرنه‌كا ئه‌كتيف ل گه‌نجێن ئێزدى يێن دقۆناغا سنێله‌يێ دا كريه.
(دلشاد سمۆ) وه‌ك ره‌وشه‌نبيره‌كى ئێزدى ل ئه‌لمانيا گۆت:گه‌له‌ك پا پێدڤيه گه‌نجێن ڤى سه‌رده‌مى ب دروستى و رێك و پێك گوهێ خۆ بده‌نه خووندنا خۆ،ژبه‌ركو ل وه‌لاته‌كى وه‌كى ئه‌لمانيا ل پاشه‌رۆژێ دێ زه‌ره‌ر يا گرنگ بت هه‌ر گه‌نجه‌ك ئاسته‌ك بلند يێ خووندنێ هه‌بت تاكو بكارت كاره‌كى باش بكه‌ت،ژبه‌ر هه‌ڤركرى ل سه‌ر كارى زۆر جارا يا دژواره و بێ باوه‌رنامه‌كه باش ئه‌و كه‌سه دێ بنه كريكارێن نۆرمال و دێ زۆر زه‌حمه‌تێ به‌ن،بۆ ئه‌نجامدانا ڤى تشتى قوتابى يان گه‌نج پێدڤيه هاريكاريێ يه ژلايێ زۆر كه‌سا و تايبه‌ت ئه‌ندامێن خێزانا وى.
(صباح سمێر)رۆژنامه‌ڤانه‌كى ئێزدى يه ئاشكه‌راكر،ئه‌و گه‌نجێن دئێنه ئه‌لمانيا ره‌نگه گه‌له‌ك ژوان ل عێراقێ نه‌چۆبنه قوتابخانان و ئه‌و هزره ل نك وان نه‌بت ل ئه‌لمانيا ده‌ست ب خووندنا زمانێ ئه‌لمانى بكه‌ن،هه‌ڤده‌م ژى گه‌له‌ك گه‌نجێن مه ل عێراقێ دچۆنه قوتابخانان و ده‌رچۆيێن كوليژو په‌يمانگه‌هان و مامۆستا فه‌رمانبه‌ر يێن ئێزدى يێن قه‌ستا ئه‌لمانيا كرين ل ڤێده‌رێ بجدى كار دكه‌ن و هه‌ول دده‌ن زمانێ ب داوى بينن و ده‌ست ب خووندنێ بكه‌ن،ده‌رباره‌ى گرنگى دانا گه‌نجان ب گرتنا وێنه‌يان ژى گۆت: گرتنا وێنه‌يان ديارده‌يه‌كه نوويه و ئه‌ڤێن به‌رده‌وام وێنا دگرن ئه‌و سنێله‌نه ده‌ما تێنه ڤێده‌رێ جڤاكێ ئه‌لمانى كارتێكرنه‌كا ئه‌كتيف ل ژيانا وان دكه‌ت و بير و باوه‌رێن خۆ زوو ژ ده‌ست دده‌ن و ب هيڤى نه هه‌موو گه‌نجێن مه به‌رێ خۆ بده‌نه خووندنێ.
(پێشوان قايدى)گه‌نجه‌كى ئێزدى يه و ل ئه‌لمانيا ئاكنجى يه دبێژت:دماوێ سێ سالێن بۆرى دا گه‌له‌ك ژ خه‌لكێ مه و ب تايبه‌ت ته‌خا گه‌نجان ژ وه‌لاتێ عێراقێ قه‌ستا وه‌لاتێن ئه‌وروپى كرن و ب تايبه‌ت وه‌لاتێ ئه‌لمانيا،به‌لێ يا فه‌ره دڤێت ئه‌م هزر ل سه‌ر بكه‌ين كا چه‌ند ئه‌و گه‌نجه دێ سه‌ركه‌فتى بت دڤى جڤاكێ گه‌له‌ك جێواز ژ جڤاكێ تێدا مه‌زن بووى،دبينم ب رێڤه‌برنا كارا ل وه‌لاتێن ئه‌وروپى گه‌له‌كى هاريكاره بۆ گه‌نجێ مه كو بگه‌هته هه‌ر هيڤى و حه‌زه‌كا ئه‌وى بڤێت ب تايبه‌ت ب رێيا خووندنێ،چنكو ئه‌ڤ وه‌لاتێن رۆژئاڤا گه‌له‌ك گرنگيێ ب حه‌ز و ڤيانا مرۆڤى دده‌ن و گه‌له‌ك رێ و ده‌رگه‌هان ل به‌ر مرۆڤى ڤه‌دكه‌ن،داكو سه‌ركه‌فتنێ دبواره‌كێ ژيانا خۆ دا ب ده‌ست ڤه بينت،پشتى گه‌له‌ك گه‌نجێن مه فێرى زمانێ وى وه‌لاتى دبن ئه‌وێ لێ بنه‌جه و ئه‌و وه‌لات ژى گه‌له‌ك ده‌رفه‌تا ده‌ته وى گه‌نجى ل سه‌ر خووندنا خۆ به‌رده‌وام بن و گرنگيێ ب زانسته‌كى ژيانێ بده‌ن ئه‌ڤه ژى رێيه‌كا گه‌له‌ك باشه كو دپاشه‌رۆژێ دا كو گه‌نجێ مه ببته كه‌ساتيه‌ك خودان مێشكه‌ك ئه‌كتيف و چالاك دناڤ جڤاكى دا.
