دخۆپيشاندانێن دوهى ل رۆژا ئينيێ ل چه‌ند پارێزگه‌هێن عيراقێ هاتينه ئه‌نجامدان،ل ژێر دروشمێن جودا جودا خۆپيشانده‌ران پشته‌ڤانيا خۆ بۆ كچا ئێزدى (ناديا موراد) دووپاتكرن،ل هه‌مبه‌ر دا ژى كچا ئێزدى راگه‌هاند،سوپاسيا هه‌ر كه‌سه‌كى دكه‌م پشته‌ڤانى ل كێشه‌يا من كرى.
دوهى 8/1/2016ل چه‌ند پارێزگه‌هێن عێراقێ خۆپيشاندان هاتنه كرن، ژبۆ سازدانا چاكسازيان و دادگه‌هكرنا كه‌سێن گه‌نده‌لى كرين و خۆشكرنا خزمه‌تكاريان،دهنده‌ك ڤان خۆپيشاندانان دا خۆپيشانده‌ران چه‌ند تابلۆ ل ژێر دروشمێن(ناديا ئانكو ئاشتى و مرۆڤايه‌تى و ناديا بلا دوژدانا هه‌ر عێراقيه‌كى دا بتن) بلندكرن.
ل به‌رامبه‌ر دا كچا ئێزدى هه‌لويستێ خۆ راگه‌هاند و گۆت:سوپاسيا هه‌ر كه‌سه‌كى دكه‌م يێ ده‌ركه‌فتيه خۆپيشاندانان و پشته‌ڤانى ل كێشه‌يا من كرى،هون شانازيێن مرۆڤايه‌تيێ نه ئه‌وا چ سنوور بۆرا نه‌ى،هون ئۆمێدن بۆ ژناڤبرنا توندوتيژيێ ل دژى ژنان و زارۆكان و كێمينه‌يان.
