ميديايێن ئه‌لمانى ب كاره‌ساتا شنگالێ مه‌نده‌هۆش دمينن،پشتى كو رۆژنامه‌ڤانه‌كى ئێزدى قه‌باره‌يێ كاره‌ساتێ ب دروستاهى گه‌هاندينه رۆژنامه‌ڤان و كه‌نال و گۆڤارێن وى وه‌لاتى.
رۆژنامه‌ڤانێ ئێزدى(سه‌باح سمێر) بۆ مالپه‌رێ ئێزديخان نيوز گۆت:ل ئه‌لمانيا رۆژنامه‌ڤانه‌كى ئه‌لمانى ده‌رباره‌ى كاره‌ساتا شنگالێ ديداره‌ك ل گه‌ل من كر،من بۆ را دا دياركرن كا ئێزدى كينه و ل كێده‌رێ دژين و كاره‌ساته‌كا مه‌زن و چه‌ندين كۆمكوژى ل دژى خه‌لكێ شنگالێ و ب تايبه‌ت گوندێ كۆچۆ هاتينه ئه‌نجامدان،پشتى وێنه و فيديۆيێن كاره‌ساتێ ديتين گريا و مه‌نده‌هۆش ما و گۆت ل ڤى چه‌رخى ئه‌ڤه ب سه‌رێ ئێزديان هاتيه،ديسان وى رۆژنامه‌ڤانێ ئه‌لمانى گۆت مه پێزانين ل سه‌ر كاره‌ساتێ هه‌بوون بس نه بڤى قه‌باره‌يێ مه‌زن.
سمێر گۆتژى دديداره‌كێ ده ل گه‌ل كه‌نالێ zdf من ب وان را گۆت گه‌له‌ك كۆمكوژى ل دژى ئێزديان هاتينه ئه‌نجامدان و ب هه‌زاران كچ و ژن و زارۆك هاتينه ره‌ڤاندن و ب سه‌دان ئێزدى هاتينه كوشتن،وه‌كى زانى ئه‌ڤه ب سه‌رێ ئێزديان هاتيه گه‌له‌ك كارتێكرن ل وان بوو.
هه‌روه‌سا دديداره‌كا دى دا ل گه‌ل گۆڤاراteenageبه‌حسێ ئه‌گه‌رێن وێ چه‌ندێ كرن كو بۆچى ئێزدى وه‌لاتێ خۆ بجێدهێلنه و من گۆتێ ژبه‌ر مه‌سه‌لێن تايفى و تيرۆرى و خيانه‌تا جيرانێن ده‌وروبه‌رێ شنگالێ ل ئێزديان كرى و هێرشكرينه سه‌ر شنگالێ بوويه ،و زوولم ل خه‌لكى كر و زه‌لام كوشتن و كچ و ژن و زارۆك ره‌ڤاندن.
