التخطي إلى المحتوى الرئيسي
بحث هذه المدونة الإلكترونية
جێگرێ ميرێ ئێزديان:ئه‌لمانيا ژوه‌لاتێن ئه‌ولى بوو دهاوارا مه هاتى
ئێزديخان نيوز:
(حازم ته‌حسين به‌گ)جێگرێ ميرێ ئێزديان ل عێراقێ و جيهانێ دسه‌ره‌دانا خۆ دا بۆ وه‌لاتێ ئه‌لمانيا،قه‌ستا هه‌رێما بادن ل باژێرێ شتۆتگارت كر و راگه‌هاند،ئه‌لمانيا ژ وان وه‌لاتێن ئه‌ولى بوو دهاوارا مه هاتى.
(حازم ته‌حسين به‌گ)جێگرێ ميرێ ئێزديان و جڤاتا رۆحانيا ئێزديان،ئيرۆ 20كانوونا دوويێ 2016،سه‌ره‌دانا وه‌لاتێ ئه‌لمانيا كر و دسه‌ره‌دانا خۆ دا قه‌ستا هه‌رێما بادن كر و ل باره‌گايێ وێ رێكخراوا هنده‌ك رزگاربوويێن ئێزدى ژ عێراقێ كێشاين بۆ وێ هه‌رێمێ په‌يڤه‌ك پێشكێشكر و گۆت:ب ناڤێ مير(ته‌حسين به‌گ)ميرێ ئێزديان وب ناڤێ جڤاتا رۆحانى و هه‌موو ئێزديان سوپاسيا خۆ ديار دكه‌ين بۆ ڤێ هه‌رێمێ،ئه‌م گه‌له‌ك مه‌منونين ژڤێ ديموكراتى و مرۆڤايه‌تيا وه،ئه‌گه‌ر هون ديرۆكا ئێزديان بخوونن گه‌له‌ك زۆردارى ل مه بوويه و من هيڤى هه‌يه هو هه‌موو بخونن،چنكو 73فه‌رمان ب سه‌ر مه دا چێبووينه،يا داويێ ژى ل سه‌ر ده‌ستێ دره‌نده‌ترين رێكخراوا تيرۆرستيا داعشێ بوو، ئه‌لمانيا ژ وان وه‌لاتێن ئه‌ولى بوو دهاوارا مه هاتى و ئه‌م گه‌له‌ك مه‌منونين ژڤێ هه‌رێمێ كو ئه‌ڤ كاره بۆ مه كر.
هه‌روه‌سا ئاماژه داوێ چه‌ندێ ب راستى مه گۆت پشتى رووخاندنا رژێما دكتاتۆر سه‌دام حسێن دێ وه‌لاته‌كى ديموكراسى يێ ئازاد بۆ مه چێبت،به‌لێ به‌داخه‌وه وه‌كى دلێ مه چێنه‌بوو،هه‌كه وه‌لاتێن وه‌كى وه ئه‌ڤێن پێشكه‌فتى و مرۆڤايه‌تى لێ هه‌يى هاريكاريا مه نه‌كه‌ت روشا مه گه‌له‌كى ئالۆزه.
ل داويێ ژى مه پێ خۆشه كو هنده‌ك خه‌لكێ مه يێ دى وێ ژ ده‌ستێ داعشێ قورتالبووين هون هاريكاريا مه بكه‌ن و بكارن بيننه ڤێ هه‌رێمێ دێ مه‌منون بين،ديسان شنگال وا رزگاربوويى مه پێ خۆشه ده‌ستێ ڤێ هه‌رێمێ بۆ شنگالێ هه‌بت بۆ ئاڤه‌دانكرنا وێ، راسته ئه‌م بووينه قوربانيا جينۆسايدێ به‌لێ ده‌ستێ خۆ دده‌ين بۆ ئاشتيێ بۆ هه‌موو ئاينان بێ جوداهى،هه‌رچيێ ژ ڤێ حكوومه‌تێ حازربوويى و كه‌سايه‌تيێن دى يێن ئاماده‌بووين ل ڤيده‌رێ هاريكاريا ڤى پرۆژه‌ى كرى و ئه‌ڤ خه‌لكێ فه‌قيرێ ئێزدى ئينايى ڤێده‌رێ ئه‌م گه‌له‌ك مه‌منونين ژێ.
