التخطي إلى المحتوى الرئيسي
بحث هذه المدونة الإلكترونية
پێشانگه‌ها شنگال ل ئه‌لمانيا هاته ڤه‌كرن
ئێزديخان نيوز:
دوو شيوه‌كارێن ئێزدى پێشانگه‌هه‌كا شێوه‌كارى ل ژێر ناڤێ شنگال ل باژێرێ باينى ل ئه‌لمانيا ڤه‌كرن، 46تابلۆ كو ده‌ربرين ژ كاره‌ساتا شنگالێ دكرن تێدا هاتنه نيشاندان،ئارمانج ژێ نيشاندانا ده‌ردوئازارێت شنگالێ و دانه‌نياسينا ديرۆكا ئێزديانه بۆ ئه‌وروپيان،ئه‌ڤ پێشانگه‌ه هه‌تا هه‌يڤا 4دێ يا ڤه‌كرى بتن.
دوهى 13كانوونا دوويێ 2016،ب ئاماده‌بوونا (د.افريس)رێڤه‌به‌را مۆزه‌خانا باژێرێ باينى و(ره‌يان عه‌بدولا) پرۆفيسۆرێ عێراقى يێ هه‌لگرێ ره‌گه‌زناما عێراقى و 50هونه‌رمه‌ندێن ئه‌لمانى و ره‌وشه‌نبيرێن ئێزديان و خه‌لكێ باژێرى و راگه‌هاندنا ئه‌لمانى،پێشانگه‌ها هه‌ردوو شێوه‌كارێن ئێزدى يێن خه‌لكێ شنگالێ(قاسم ئه‌لشه‌رقى،مسافر قاسم) ل ژێرناڤێ شنگال هاته ڤه‌كرن،46تابلۆ كو ده‌ربرين ژ كاره‌ساتا شنگالێ دكرن تێدا هاتنه نيشاندان.
شێوه‌كار(قاسم ئه‌لشرقى) دداخويانيه‌كێ ده بۆ مالپه‌رێ ئێزديخان نيوز گۆت:ل ڤێ پێشانگه‌هێ ده (د.افريس)رێڤه‌به‌را مۆزه‌خانا باژێرێ باينى و(ره‌يان عه‌بدولا) پرۆفيسۆرێ عێراقى په‌يڤه‌ك پێشكێشكرن،پاشى ئاماده‌بوويان به‌رێ خۆ دانه تابلۆيێن تێدا هاتينه نمايشكرن،ده‌ربرينا تابلۆيان ژ كاره‌ساتا شنگالێ سه‌رنجا ئاماده‌بوويان كێشا و رۆله‌كى مه‌زن هه‌بوو،ژبه‌ركو ل سه‌ر هه‌ر تابلۆيه‌كێ ئازار و ره‌ڤاندن و مانديبوون هه‌بوو سه‌ره‌راى هه‌بوونا ئۆمێدێ دوان تابلۆيان ده.
ئه‌لشه‌رقى گۆتژى 33تابلۆ يێن من بوو و 13يێن مسافر قاسم بوون،ئه‌ڤه خه‌ونه‌ك بوو بۆ مه كو پێكڤه پێشانگه‌هه‌كێ ڤه‌كه‌ين و ئه‌م هه‌ردوو خه‌لكێ شنگالێ نه و هاريكاريا خه‌لكێ خۆ بكه‌ين ب رێيا هونه‌رێ خۆ،ب شێوه‌يه‌كى باش ئه‌ڤ پێشانگه‌ه ب سه‌ركه‌فت،ئارمانج ژێ نيشاندانا ده‌ردوئازارێت شنگالێ و دانه‌نياسينا ديرۆكا ئێزديانه بۆ ئه‌وروپيان.
ڤى شيوه‌كارى ئاماژه‌كر،ئه‌ڤ پێشانگه‌هه دێ هه‌تا 10/4/2016يا ڤه‌كرى بتن.
