التخطي إلى المحتوى الرئيسي
بحث هذه المدونة الإلكترونية
قايممقامێ شنگالێ:خهندهقهك بۆ پاراستنا شنگالێ هاتيه كۆلان
ئێزديخان نيوز:
قايممقامێ شنگالێ ئاماژهێ ب هندێ ددهت،ههبوونا بارهگايێن حزبى ل شنگالێ زيانێ ب ئاراميا ناوچهيێ دگههينت،ههر رێگهيهكێ ژى بۆبهرقراركرنا ئاسايش و ئاراميێ ل ڤى باژێرێ دێ گرينه بهر.
(مهحما خهليل)ب مالپهرێ پارتى ديموكراتى كوردستان راگههاند،چهندين جاره ب شێوهيهكى فهرمى مه ئاگههداريا سهرجهم لايهنێن حزبى كريه كو بارهگايێن خۆ ل ناڤ شنگالێ ببهنه ژ دهرڤه،چنكو ههبوونا بارهگايێن حزبى ل شنگالێ زيانێ ب ئاراميا ناوچهيێ دگههينت،كو نابت ل باژێرهكى مهزن يێ وهكى شنگالێ ل تاخهكى ده ب دههان و مهكۆيى حزبى تێدا بت،ئهوێ ل شنگالێ ههى هێزێن پێشمهرگهيێن كوردستانێ نه هو ئهو بهرهڤانيێ ل وى باژێرى دكهن،ههر چهنده باش ئاگههدارين كو ههولێن جدى ههينه بۆ دروستكرنا ميليشيا و حهشدا شهعبى ل باژێرى ده،بهلێ رێ نادهين كهس ل جيێ هێزێن پێشمهرگهى ل وێدهرێ بريارێ بدهت.
خهليل گۆتژى نۆكه ل هندهك ناوچێن شنگالێ دهستب كۆلانا خهندهقا هاتيه كرن و دێ بهردهوامبين لسهر بهرفرههكرنا سنورێ خهندهقێ،چنكو ئهو ژلايێ مه ڤه هاتيه كۆلان كو جارهكا دى رێ ب هيچ هێزهكا تيرۆرستى نادهين هێرش بكهته سهر شنگال و ئاخا وێ داگير بكهت،ئهڤ خهندهقه ل رۆژئاڤا و باشوورێ قهزايێ دێ ئێته بهرفرههكرن و ئارمانج ژێ پاراستنه ل شنگالێ.
قايممقامێ شنگالێ ئهو چهنده ژى خسته روو،چاڤهرێى ههولێن(سهرۆك بارزانى) و رێكخراوێن كۆمهلگهها نێڤ دهولهتين بۆ ئاڤهدانكرنا شنگالێ و دووباره ڤهگهريانا ژيانێ بۆ باژێرى.