ژلايه‌كى دى ڤه سه‌ركه‌فتنا ڤێ كچا رزگاربوويى،كو ناڤێ وێ هاتى تۆماركرن دليستا به‌ربژاران دا ژى بۆ ڤى خه‌لاتى،ئه‌ڤ ژى هێمايێ وێ چه‌ندێ دده كو رۆناهيه‌كێ بكه سه‌ر ڤێ كاره‌ساتا وه‌سا مه‌زن يا كو تووشى كوردێن ئێزدى بووى ل 3/8/2014يا كو تا نۆكه ئێشا وێ به‌رده‌وامه،ژبه‌ركو هه‌تا نۆكه چاره‌نڤيسێ هه‌زاران ئێزديان وندايه،كو ژوانا زارۆك و ژن و كال،و چى و وارێن مه هاتن هه‌رفاندن ژ سه‌ده‌ما داعشێ، زێده‌تر كو تا نۆكه ئه‌ڤ ئاواره‌يى بوويه سه‌ده‌ما چه‌ندين كێشه‌يێن كۆمه‌لايه‌تى كو شرۆڤه‌كرنا وان زه‌حمه‌ته بێ كرن.
وه‌ك ئه‌م دبينن يا گرنگ ئه‌م پووتێ بده‌ينه هنه‌ك پرسێن دن كو وه‌ك ڤێيا مه به‌حس لێ كرى،وه‌ك هه‌ولدان بۆ پێكينانا لۆبيه‌كا مرۆڤايه‌تيێ ژ هه‌موو چالاكڤانێن ياسازان ل ته‌ڤايا ده‌وله‌تان ژبۆ ناساندنا ئه‌ڤێ كاره‌ساتا مه‌زن و وان گۆرێن ب كۆم ب جينۆسايد،ژبۆ كو ببه هێمايه‌ك ژبۆ شه‌رمه‌زاركرنا ئه‌ڤان كارێن هۆڤانه يێن گرۆپێن تيرۆرستى وه‌ك داعش،ژبه‌ركو رێككارێن مرۆڤى شكاندن كو هه‌ر يه‌ك ژى ژ بازرگانى كرن ب مرۆڤان و كوشتن و كرين و فرۆتنا ب كچ و ژنان ل بازاران و هه‌رديسان برنا ب زۆر يا زارۆكان بۆ خۆ شه‌رى و شووشتنا مێشكێ وان ژبۆ خۆ په‌قاندنێ ،هه‌روه‌سا ئه‌ڤ سازيا تيرۆرستى ب زۆر و گه‌ڤان خه‌لكى ژ سه‌ر دينێ وان دگهۆرتن.
و ل دوماهيێ ئه‌م پشته‌ڤانيا خۆ ژبۆ كچا رزگاربوويى ناديا موراد دكه‌ين ،و هايداركرنا هه‌ر يه‌ك ژ لايه‌نێن نافخۆيى و ده‌رڤه ژبۆ پشته‌ڤانيا خۆ بۆ برنا ڤێ دياريا جيهانى دا ببته ئێك ژ ڤه‌گه‌راندنا مافێن ئێزديان سه‌ره‌راى كو ئه‌م دينه‌كى كو باوه‌رى ب خودێ هه‌يه و تم ب شه‌ڤ و رۆژ ژى دخوازه ئاشتى و خێران ژ بۆ ته‌ڤايا مرۆڤان بێ جودايى دناڤبه‌را ئاينان و مه‌زهه‌بان ژبۆ خه‌لكى ب گشتى و ئێزديان ب تايبه‌تى.
ده‌سته‌يا بلندا بنگه‌هێ لالش يێ ره‌وشه‌نبيرى و كۆمه‌لايه‌تى/دهۆك
