جڤاتا پارێزگه‌ها مووسلێ، دوهى رۆژا ئينيێ 1/1/2016، رزگاركرنا 2500ئێزديان ژ بن كۆنترۆلا رێكخراوا داعش يا تيرۆرستى ل سالا 2015ده راگه‌هاند،ئاماژه دا وێ چه‌ندێ كو ژماره‌كا هندى ڤان هێش دده‌ستێ داعشێ دانه،دووپاتكر كو ب هه‌زاران ئێزدى يێ عێراقێ بجێدهێلن و به‌ره‌ڤ ئه‌وروپا ڤه يێ دچن.
حسێن تاتانى،ئه‌ندامێ جڤاتا پارێزگه‌ها مووسلێ بۆ ئاژانسا ئه‌لمدى بريس گۆت:رێكخراوا داعش يا تيرۆرستى نێزيكى پێنج هه‌زار كه‌سى ئێخسيركر و ب ده‌هان وه‌لاتيێن ئێزدى كوشتن پشتى شنگال كۆنترۆلكرين ل سالا بۆرى.
تاتانى رۆنكرژى پترى 260 هه‌زار ئێزدى ل قه‌زا شنگالێ و ره‌خێن وێ ئد ئاكنجيبوون ژ 360هه‌زاران ژ كۆما ئاكنجيێن قه‌زايێ،لێ رێكخراوا داعش يا تيرۆرستى ده‌مێ ده‌ست ب سه‌ر شنگالێ و ناوچه و گوندێن وێ دا داگرتى،ب هه‌زاران ژ وان گرتن و ب ده‌هان كوشتن.
ئه‌ندامێ جڤاتا پارێزگه‌ها مووسلێ ئاشكه‌راكرژى پترى 2500ئێزدى ل سالا 2015هاتينه رزگاركرن ب مانديبوونا سه‌رۆكاتيا وه‌زيران يا حكوومه‌تا هه‌رێما كوردستانێ و ب دووڤچۆنه‌كا راسته‌وخۆ يا (نێچيرڤان بارزانى)سه‌رۆكێ حكوومه‌تا هه‌رێمێ.
تاتانى دياركر ژى پترى 2500ئێزدى هێش دده‌ستێ داعشێ دانه،گه‌له‌ك ژ وانا ژن و زارۆكن پشتى گه‌له‌ك گه‌نج ژ وان سێداره‌داين،هه‌روه‌سا ب هه‌زاران ئێزدى يێ عێراقێ بجێدهێلن و يێ به‌ره‌ف ئه‌وروپا ڤه دچن،ئه‌وێن كۆچكرين ژى ژمارا وان نه‌هاتيه زانين،به‌لێ رۆژانه پێنج هه‌تا هه‌فت خێزانا كۆچ دكه‌ن.
