سێ گۆرێن دى ل شنگالێ هاتنه ديتن...ته‌رمێن 170كوردێن ئێزدى تێدانه
الحصول على الرابط
Facebook
Twitter
Pinterest
بريد إلكتروني
التطبيقات الأخرى
ئێزديخان نيوز:
قايممقامێ قه‌زا شنگالێ ئاشكه‌راكر،هێزێن پێشمه‌رگه‌ى ل رۆژا ئينيا بۆرى 22/1/2016ا گوندێ كه‌نعان يێ نێزيك سه‌ربازگه‌ها دۆميز يا رۆژئاڤايێ شنگالێ،سێ گۆرێن دى يێن بكۆم ديتن،كو ته‌رمێن 170كوردێن ئێزدى تێدانه،هه‌موو ژى خه‌لكێ كۆمه‌لگه‌هێن گرعزێر و گرزه‌ركن و زارۆك و ژن دناڤ دا هه‌نه.
(محما خه‌ليل) قايممقامێ قه‌زا شنگالێ بۆ مالپه‌رێ ئه‌ڤرۆ نيوز دياركريه،هه‌تا نۆكه چو بۆ ڤه‌كرنا گۆرێن بكۆم يێن ده‌ڤه‌را شنگالێ نه‌هاتيه كرن و چه‌ندين جاران مه داخوازا ڤه‌كرنا گۆرێن بكۆم كريه،لێ مخابن هه‌تا نۆكه نه‌هاتينه كۆلان،چنكو رۆژانه خه‌لك قه‌ستا مه دكه‌ن و داخواز دكه‌ن رێز ل هه‌ستيكێن كوشتيێن وان بێته گرتن،ژبه‌ركو بارانێن ڤێ داويێ بارين هه‌ستيكێن دناڤ گۆرێن بكۆم دا ئيناينه ده‌ر و دگه‌ل خۆ برينه،له‌وا ئه‌گه‌ر ب ره‌نگى بمينن نابنه به‌لگه‌نامه ل سه‌ر جينۆسايدا شنگالێ و دێ به‌رزه بن.
ناڤهاتى خوياكرژى دناڤ وان سێ گۆرێن بكۆم دا ته‌رمێن 170كوردێن ئێزدى هه‌نه و هه‌موو ژن و زارۆ و زه‌لامن و خه‌لكێ كۆمه‌لگه‌هێن گرعزێر و گرزه‌ركن،ب ديتنا ڤان گۆران ژى ژمارا ديتنا گۆرێن بكۆم ل ده‌ڤه‌را شنگالێ گه‌هشتنه 24 گۆران.
