د درێژيا كار و چالاكيێن نوونه‌راتيا حكوومه‌تا هه‌رێما كوردستانێ ل ئێكه‌تيا ئه‌وروپى،شانده‌كى نوونه‌راتيێ ب سه‌رۆكاتيا(دلاوه‌ر ئاژگه‌يى)نوونه‌رێ حكوومه‌تا هه‌رێمێ ل ئێكه‌تيا ئه‌وروپى و (زانا كورده)سه‌ره‌دانا په‌رله‌مانێ ئه‌وروپى كر و ژلايێ (ريچارد چارنێكى)جێگرێ سه‌رۆكێ په‌رله‌مانێ ئه‌وروپى پێشوازى لێ هاته كرن.
نوونه‌رێ حكوومه‌تا هه‌رێمێ ل ئێكه‌تيا ئه‌وروپى راگه‌هاند،دديداره‌كێ ده به‌حسێ بارودۆخێ سياسى و سه‌ربازى و مرۆڤى يێ هه‌رێما كوردستانێ و پێدڤيێن هه‌رێمێ هاته كرن و (چارنێكى) پشته‌ڤانيا خۆ بۆ گه‌لێ كوردستانێ دووپاتكر و ئاماده‌يا خۆ راگه‌هاند، بۆ هه‌موو جۆره پشته‌ڤانيه‌كێ بۆ كوردستانێ.
ل ته‌وه‌ره‌كى دى يێ ديدارێ ده به‌حسێ سه‌ره‌دانا(سه‌رۆك بارزانى) و كۆمبوونا وى ل گه‌ل به‌رپرسێن توركيا هاته كرن و ئه‌و سه‌ره‌دان ب سه‌ركه‌فتيانه سه‌ير كرن.
