بنگه‌هێ لالش ژ ده‌زگه‌هێن گرنگه ل نك حكوومه‌تا هه‌رێمێ وكونسلخانه‌يێن ل كوردستانێ
ئێزديخان نيوز:
ده‌سته‌يا بلندا بنگه‌هێ د داوى كۆمبوونا خۆ يا سالا 2015ێ ده كو ل رێككه‌فتى 5/12/ هاتبوو سازادان،داخواز ژ هه‌موو تايێن بنگه‌هێ لالش كر فشارێ زێده‌تر ل رێكخراوێن نێڤ ده‌وله‌تى بكه‌ن،ژبۆ گرنگيدانێ ب ده‌ڤه‌را شنگالێ.
دكۆمبوونا ئاسايى و يا داويێ يا ده‌سته‌يا بلند(شێخ شامۆ) سه‌رۆكێ بنگه‌هێ لالش دياركر،رزگاركرنا شنگال ژبال هێزێن پێشمه‌رگه‌ى ڤه و ب سه‌رپه‌رشتيا راسته‌وخۆيا(سه‌رۆك بارزانى) پێنگاڤه‌كا پيرۆز بوو،مه باوه‌رى هه‌يه هه‌موو ده‌ڤه‌رێن دى ژى وێ ئازادبن.
شێخ شامۆ گۆتژى ئۆمێدا مه يا مه‌زنه ب سياسه‌تا بارزانى كو پاشه‌رۆژه‌كا رۆن ل پێشيا مه‌يه و دڤێت ئه‌م بێن فره بين ،ژبۆ ب ده‌ست ڤه ئينانا هه‌موو مافێن خۆ.
سه‌رۆكێ بنگه‌هێ لالش ئاماژه‌كر،بنگه‌هێ لالش رۆله‌كى مه‌زن هه‌بوويه بۆ خزمه‌تكرنا ئاواره‌يان و ب تايبه‌ت بۆ خه‌لكێ شنگالێ،ئه‌ڤه ئه‌ركه‌كى نه‌ته‌وه‌ى و ئايينى يه.
ژلايه‌كى ديڤه شێخ شامۆ راگه‌هاند،لسه‌ر وان رێكخراوێن گرنگيێ ب كاروبارێن مرۆڤايه‌تى دده‌ن دپلانا خۆ بۆ سالا نوو پتر گرنگيێ ب خزمه‌تكرنا خه‌لكێ شنگالێ بده‌ن.
هه‌روه‌سا گۆتژى بنگه‌هێ لالش ژ ده‌زگه‌هێن گرنگه ل نك حكوومه‌تا هه‌رێما كوردستانێ و كونسلخانه‌يێن ل هه‌رێمێ.
