التخطي إلى المحتوى الرئيسي
بحث هذه المدونة الإلكترونية
بزانه ل به‌غدايێ خۆبه‌خشێن ئێزدى چ داخوازى ژ سه‌رۆكێ حكوومه‌تا عێراقێ كرن
ئێزديخان نيوز:
ب ئاماده‌بوونا سه‌رۆك وه‌زيرێن حكوومه‌تا عێراقێ ،ل رێككه‌فتى 19/12وه‌زاره‌تا وه‌رزش و لاوێن عێراقێ كۆنگره‌يێ خۆبه‌خشێن عێراقێ ل به‌غدايێ گرێدا،پێنج خۆبه‌خشێن كوردێن ئێزدى يێ به‌شدار دكۆنگره‌يى ده داخوازا رزگاركرنا ره‌ڤانديان و هاريكاريكرنا ئاواره‌يان و ئاڤه‌دانكرنا ده‌ڤه‌رێن وێرانكرى كرن.
ده‌رمان باعه‌درى ئێك ژ وان خۆبه‌خشێن كوردێن ئێزدييه بۆ مالپه‌رێ ئێزديخان نيوز گۆت:دڤى كۆنگره‌يى ده ئه‌م پێنج خۆبه‌خشێن ئێزدى تێدا ئد به‌شداربووين كو ژلايێ وه‌زاره‌تا وه‌رزش و لاوێن عێراقێ ڤه هاتبوو گرێدان،مه ژ حه‌يده‌ر عه‌بادى سه‌رۆك وه‌زيرێن حكوومه‌تا عێراقێ و وه‌زيرێ وه‌زاره‌تا وه‌رزش و لاوان و نه‌ته‌وه‌يێن ئێكگرتى كر ره‌ڤانديێن ئێزدى رزگار بكه‌ن و هاريكاريكرنا ئاواره‌يان و ئاڤه‌دانكرنا ده‌ڤه‌رێن وێرانكرى بكه‌ن.
باعه‌درى ئاماژه دا وێ چه‌ندێ كو مه گازنده شوان كر كو حكوومه‌تا عێراقێ يا پێدڤى بۆ ئێزديان نه‌كريه پشتى كاره‌ساتێ.
خۆبه‌خشێ كوردێ ئێزدى ئاشكه‌راكرژى ئه‌م دگه‌ل به‌رپرسێ سندۆقا گه‌شه‌پێدانا ئاكنجيان يێ نه‌ته‌وه‌يێن ئێكگرتى ئاخڤين و مه داخواز ژێ كر پتر هاريكاريا ئێزديان بكه‌ن.
