التخطي إلى المحتوى الرئيسي
بحث هذه المدونة الإلكترونية
شێخ شامۆ:كار به‌رده‌وام بۆ نه‌هێلانا ئاريشێن قوتابيێن ئێزدى يێ دئێته كرن
ئێزديخان نيوز:نێچيرڤان شێخ شامۆ
(شێخ شامۆ)سه‌رۆكێ ده‌سته‌يا بلند
بنگه‌هێ لالش و ئه‌ندامێ په‌رله‌مانێ كوردستانێ و (يوسف گوران)وه‌زيرێ
وه‌زاره‌تا خووندنا بلند يا حكوومه‌تا هه‌رێما كوردستانێ ،دديداره‌كێ ده كێشه و ئاريشێن ڤه‌گۆهاستنا
قوتابيێن ئێزدى ژ زانكۆ و په‌يمانگه‌هێن مووسلێ بۆ زانكۆ و په‌يمانگه‌هێن
هه‌رێما كوردستانێ ب درێژى گه‌نگه‌شه‌كرن و چاوانيا چاره‌سه‌ركرنا وان
كێشان.
ل رێككه‌فتى 20/12/2015(شێخ شامۆ)سه‌رۆكێ ده‌سته‌يا بلند بنگه‌هێ لالش و ئه‌ندامێ په‌رله‌مانێ كوردستانێ سه‌ره‌دانا وه‌زاره‌تا خووندنا بلند يا حكوومه‌تا هه‌رێما كوردستانێ كرو ژئاليێ (يوسف گوران) وه‌زيرێ وه‌زاره‌تێ هاته پێشوازيكرن،دديداره‌كێ ده شێخ
شامۆ ب ناڤێ خۆ و بنگه‌هێ لالش و گشت قوتابيێن ئێزدى سوپاسيا حكوومه‌تا
هه‌رێما كوردستانێ و سه‌رۆك وه‌زيران و وه‌زاره‌تا خووندنا بلند كر ژبه‌ر
وێ هه‌ڤكارى و گرنگيدانا ب دۆسه‌يا ڤه‌گۆهاستنا قوتابيێن ئێزدى و بجى
ئانينا ئه‌ركێ خۆ يێ نشتيمانى دده‌رهه‌قا قوتابيێن ئێزدى ده ل سه‌ر
راسپاردێن جه‌نابێ سه‌رۆك(مه‌سعود بارزانى).
ژلايه‌كى ديڤه شێخ شامۆ ئه‌و كێشه و
ئاريشه‌يێن نۆكه رێگرن ژبۆ ڤه‌گۆهاستنا قوتابيێن ئێزدى دگه‌ل وه‌زيرى
به‌حسكرن ودۆسه‌ياوه‌رگرتنا قوتابيێن ده‌رچۆيى(2012_2013)و (2013_2014) بۆ
سالا خووندنێ يا (2015_2016)ل گۆره‌يى وان ليستێن ناڤا يێن كو هاتنه
تۆماركرن ل بنگه‌هێ لالش.
ژبال خۆڤه وه‌زيرێ وه‌زاره‌تا خووندنا
بلند پشته‌ڤانيا خۆ و وه‌زاره‌تێ بۆ چاره‌سه‌ركرنا هه‌موو كێشه و
ئاسته‌نگيا تاكو قوتابيێن ئێزدى بێ به‌هر نه‌بن ژ خووندنا خۆ و پشته‌ڤانيا
وه‌زاره‌تا خۆ دووپاتكر و گۆت:دڤێت پێكڤه خزمه‌تا قوتابيێن كوردێن ئێزدى
بكه‌ن و نه‌خاسمه ته‌خا خووندكارا ژبه‌ر وان زۆرى و نه‌خۆشيێن ب سه‌رێ وان
هاتين.
هه‌ر دهه‌مان سه‌ره‌دان ده(ره‌عه‌د
تارق)رێكخه‌رێ بنگه‌هێ لالش بۆ ب رێڤه‌برنا دۆسه‌يا قوتابيان ل وه‌زاره‌تا
خووندنا بلند دگه‌ل شێخ شامۆ بۆ روونشتنێن جودا،دگه‌ل هه‌ر ئێك ژ(نزهت صالح
بارزانى)شيره‌تكارێ(نێچيرڤان بارزانى) بۆ كاروبارێن قوتابيان و
(د.جوان)ريڤه‌به‌را خووندنێت بلند و په‌يوه‌نديا ل وه‌زاره‌تێ و (د.ئارام
خان)رێڤه‌به‌را ناڤه‌ندا وه‌رگرتنا قوتابيان و (د.سوزان)رێڤه‌به‌را
فه‌رمانگه‌ها هه‌ماهه‌نگيێ ل وه‌زاره‌تێ و (شوان دلاوه‌ر)به‌رپرسێ دۆسه‌يا
قوتابيێن ئيزدى ل وه‌زاره‌تێ كۆمبوو،دڤان روونشتنان ده گفتوگۆ هاتنه كرن
ژبۆ نه‌هێلان و چاره‌كرنا كێشێن قوتابيا و ئه‌نجام دانا كارێ پێدڤى.
گرنگترين ئه‌نجامێن ڤێ سه‌ره‌دانێ ئه‌ڤه بوون:
1.ديتنا رێگه چاره‌يه‌كێ بۆ ده‌رباسبوون ژ كێشا نه‌بوونا به‌لگه‌نامێن قوتابيا ژبۆ ڤه‌گۆهاستنێ.
2. ڤه‌گۆهاستنا (1217)قوتابيان بۆ سالا
نوو يا خووندنێ ب شيوازێ(مێڤاندارى)وه‌ك قۆناغا ئێكێ،ل ڤێ خالێ بريار
هاته دان ب شێوێ ميڤانێ بت داكو قوتابى هه‌موو بێنه وه‌رگرتن و سيسته‌مێ
دووباره‌بوونێ ل سه‌ر وان نه ئێته ب جهئينان،چنكو ئه‌گه‌ر بێته بجهئينان
70%ژ قواتبيان نمره‌يێ وان كێمتره ژ 63و دڤى حاله‌تى ده نائێنه
وه‌رگرتن،قۆناغا دووڤ ده دێ ئێنه ڤه‌گۆهاستن ب فه‌رمى.
3. چاره‌سه‌ركرن و دابينكرنا به‌شێن نافخۆيى بۆ قوتابيێن ئێزدى يێن ژنوو دئێنه وه‌رگرتن.
