قايممقامێ شنگالێ پێشوازى ل (ميشيل بلوم)سه‌رۆكێ كۆتا تايبه‌ت ل ئه‌لمانيا و شاندێ ئه‌لمانى يێ دۆسه‌يا جينۆسايدێ و (ميرزا حه‌سه‌ن)رێڤه‌به‌رێ رێكخراوا پرا هه‌وايى دناڤبه‌را عێراقێ و ئه‌لمانيا ده كر.
راگه‌هاندنا قايممقاميا قه‌زا شنگالێ دراگه‌هاندنه‌كێ ده به‌لاڤكريه،ئيرۆ رێككه‌فتى 12/12/2015(مه‌حما خه‌ليل)قايممقامێ شنگالێ پێشوازى ل
(ميشيل بلوم)سه‌رۆكێ كۆتا تايبه‌ت ل ئه‌لمانيا و شاندێ ئه‌لمانى يێ دۆسه‌يا
جينۆسايدێ و (ميرزا حه‌سه‌ن)رێڤه‌به‌رێ رێكخراوا پرا هه‌وايى دناڤبه‌را
عێراقێ و ئه‌لمانيا ده كر،پاشى گه‌ريانه‌ك ل ناڤ سه‌نته‌رێ قه‌زايێ كرن و سه‌ره‌دانا كه‌نيسا ل باژێرى و وان خه‌نده‌قێن تيرۆرستێن داعشێ ل بن ئه‌ردى ده كۆلاين كرن.
ئه‌ڤ شاندێ ئه‌لمانى تايبه‌تمه‌نده ب كۆمكرن و ديكيۆمێنتكرنا به‌لگه‌يان بۆ دۆسه‌يا جينۆسايدێ.
قايممقامێ شنگالێ سوپاسيا حكوومه‌تا ئه‌لمانيا كر بۆ وێ پشته‌ڤانيا مادى و مه‌عنه‌وى و سه‌ربازى بۆ هه‌رێما كوردستانێ ب به‌رنگاربوونا تيرۆرستان،ديسان سوپاسيا وان كر بۆ وان هه‌ولێن بۆ خزمه‌تكاريان و ئه‌و چاڤدێريا پێشكێشى رزگاربوويان كرين.
هه‌روه‌سا مه‌حما خه‌ليل سوپاسيا ڤى شاندێ كر بۆ سه‌ره‌دانا وان بۆ شنگالێ و چه‌ند داخوازيێن خه‌لكێ شنگالێ پێشكێشى وان كرن.
