التخطي إلى المحتوى الرئيسي
بحث هذه المدونة الإلكترونية
فه‌ره‌نسا دێ پشته‌ڤانيا پرۆژه‌يێ جينۆسايدا ئێزديان كه‌ت
ئێزديخان نيوز:
جێگرێ ميرێ ئێزديان ل عيراقێ و جيهانێ،ل په‌رستگه‌ها لالش پێشوازى شانده‌كى فه‌ره‌نسى ژ وه‌زاره‌تا ده‌رڤه ب سه‌رۆكاتيا باليۆزێ فه‌ره‌نسا ل به‌غدايێ كر.
ل گۆرى تۆرا لالش يا راگه‌هاندنێ دوهى( 2/12/205)شانده‌كى فه‌ره‌نسى ژ وه‌زاره‌تا ده‌رڤه ب سه‌رۆكاتيا باليۆزێ فه‌ره‌نسا ل به‌غدايێ و كونسلێ فه‌ره‌نسا ل هه‌ولێرێ سه‌ره‌دانا په‌رستگه‌ها لالش كرن كرن،ژبال جێگرێ ميرێ ئێزديان حازم ته‌حسين به‌گ و نوونه‌رێ ميرى برين سه‌عيد و فرج خێرى به‌گ و شێخ زێدۆ باعه‌درى و بابا چاويش پێشوازى لێ هاته كرن.
جێگرێ ميرێ ئێزديان شرۆڤه‌كرنه‌ك ل دۆر ئايينێ ئێزديان پێشكێشى شاندى كر و گۆت ئه‌م ئاينه‌كى ئاشتى خوازين ،ل سه‌ر ئازارێن ئێزديان ژى ئاخفت پشتى تووشى ده‌ربه‌ده‌ريێ بووين ده‌مێ داعشێ ده‌ڤه‌رێن وان داگيركرين و راگه‌هاند داخوازێ ژ حكوومه‌تا فه‌ره‌نسا دكه‌ين هاريكاريان پێشكێشى مه بكه‌تن،ژبه‌ركو ره‌وش زێده‌ى تاقه‌تا هه‌رێمێ يه،دووپاتكر ژى ئه‌گه‌ر نه ژ سه‌رۆك بارزانى و پێشمه‌رگه‌ى با دا هه‌موو ئێزدى ژ عيراقێ ره‌ڤن.
سه‌باره‌ت ناڤه‌رۆكا ڤێ سه‌ره‌دانێ(شێخ زێدۆ باعه‌درى)بۆ تۆرا لالش يا راگه‌هاندنێ گۆت:ئه‌ڤ سه‌ره‌دانه يا سه‌ركه‌فتى بوو،دگه‌ل شاندێ فه‌ره‌نسى مه چه‌ند پێشنيار پێشكێشكرن ژوانا مه داخواز ژ حكووه‌تا فه‌ره‌نسى كر به‌شداريێ دئاڤه‌دانكرنا ده‌ڤه‌رێن ئێزديان دا بكه‌ت ئه‌وێن ژ ده‌ستێ داعشێ هاتينه ستاندن،ديسا هاريكار بت بۆ ڤه‌گه‌راندنا ره‌ڤاندييان و پشته‌ڤانيا ئاواره‌يان ل هه‌رێمێ بكه‌ت،ته‌كه‌زكر ڤى شاندى سۆزدا مه ل ده‌مێ سه‌ره‌دانا وه‌زيرێ ده‌رڤه‌يێ فه‌ره‌نسا بۆ كوردستانێ ئه‌و دێ سه‌ره‌دانا لالشێ كه‌ت،ديسا ڤى شاندى خوياكر فه‌ره‌نسا دێ پشته‌ڤانيا پرۆژه‌يێ جينۆسايدێ كه‌تن.
باليۆزێ فه‌ره‌نسى خۆشحاليا خۆ ده‌ربرى ده‌مێ شێخ زيدۆ گۆتيێ كو ئێزدى ل نافخۆ و ژ ده‌رڤه دبه‌رهه‌ڤ بوون خوونێ ببه‌خشن و بده‌ن بۆ قوربانيێن په‌قينا تيرۆرستى و ئێزديان دووپاتكر و هه‌ڤخه‌ميا بۆ كه‌س و كارێن قوربانيان دياركرن.
