ده‌سته‌يا بلندا بنگه‌هێ لالش دبه‌ياننامه‌يه‌كێ ده،سه‌ره‌خۆشيێ ل وان قوربانيێن ئێزدى دكه‌ت يێن دده‌ريايا ئيجه‌ده خه‌ندقين.
ده‌قێ به‌ياننامێ:
ب ناڤێ ده‌سته‌يا بلندا بنگه‌هێ لالش ل دهۆكێ و هه‌موو تايى و نڤيسينگه‌هان،سه‌ره‌خۆشيێ ل قوربانيێن ئێزدى دكه‌ين ئه‌وێن دده‌ريايا ئيجه‌ده خه‌ندقين ل رێككه‌فتى(8/12/2015)،دياره چه‌ندين جاره خه‌لكێ مه‌يێ بێ گونه‌ه دبته قوربانيێ ڤان جۆره روودانان،دراستى ده ئه‌ڤه ژى ووژدانا مرۆڤايه‌تيێ دهه‌ژينن،ژبه‌ركو كۆچكرنا ب ڤى ره‌نگى يا ژن و گه‌نج و زارۆكێن مه ب ڤێ رێ دلێ مرۆڤى پر خه‌م و كۆڤان دكه‌ت.
ب ڤێ هه‌لكه‌فتا دلته‌زين ژ خواديێ مه‌زن دخوازين جهێ قوربانيان ب به‌هشتا خۆ شاد بكه‌ت و سه‌بر و هه‌دارێ بده‌ته كه‌س و كارێن وان،هه‌رچه‌نده هه‌لبژارتنا جهى برياره‌كه مرۆڤى ڤه گرێدايه و هه‌ر كه‌ه‌سكى ماف يێ هه‌ى بمينت يان كۆچ بكه‌ت،دڤى باروودۆخێ سه‌قايێ سارده ناخوازين كه‌س كۆچ بكه‌تن ژپێخه‌مه‌ت ژيانا وى و زارۆكێن وى،له‌وا ژى داخوازێ ژ هه‌موو ئێزديان دكه‌ين ئه‌وێن بڤێن كۆچ بكه‌ن دڤى ده‌مێ سارده كۆچكرنا خۆ راگرن.
ل داويێ ژى دخوازين ئه‌ڤ داوى نه‌خۆشيا مالباتێن قوربانيا بت.
