التخطي إلى المحتوى الرئيسي
بحث هذه المدونة الإلكترونية
ناديا مراد:سه‌ره‌دانا من بۆ وه‌لاتێ مسرێ بۆ پێشكێشكرنا سكاله‌يه‌كێ بوو
ئێزديخان نيوز:
پشتى ل گه‌ل سه‌رۆكێ مسرێ كۆمبوويى،(ناديا مراد) كچا ئێزدى يا رزگاربوويى ژ ده‌ستێ داعشێ،سه‌ره‌دانا چه‌ند بنگه‌هێن ئه‌كاديميێن مسرێ كر و چيرۆكا خۆ بۆ وان گۆت.
ميديايێن مسرێ ئاماژه دانه وێ چه‌ندێ كو ل ده‌ستپێكێ ناديايێ سه‌ره‌دانا زانكۆيا قاهيره كر و به‌حسێ ئه‌گه‌رێن سه‌ره‌دانا خۆ بۆ مسرێ كرن،بۆ پێشكێشكرنا سكاله‌يه‌كێ بۆ جيهانا ئيسلامى و بێژته وان ل سه‌ر وێ ده‌رده‌سه‌ريا وێ دگه‌ل تيرۆرستێن داعشێ ل بن ناڤێ ئيسلامێ.
هه‌روه‌سا گۆت ل ده‌ستپێكێ تيرۆرستێن داعشێ هاتنه گوندێ مه و دوو هه‌لبژارتن دانه مه كو دێ بوسلمان بن يان دێ وه وه‌ك سه‌بايا به‌ين و وه فرۆشين،پشتى هه‌موو زه‌لامێن گوندى كوشتين.
گۆتژى داعشێ نێزيكى 80ژنا كوشت و ده‌يكا من دناڤ وان دابوو،ئه‌ز و 150كچێن دى ل دووڤ ته‌مه‌نى ئه‌م ژێك ڤه‌كرين و برينه ئێك ژ باره‌گايێن سه‌ره‌كى يێن داعشێ،ده‌مێ گه‌هشتين من دۆرێن دوو هه‌زار كچا ديتن يێ تووشى ده‌ست درێژيێ دبن.
ناديايێ به‌رده‌وامى دا ئاخفتنا خۆ و گۆت:ژيانا مه هه‌ڤ شێوه‌يى يا گيانه‌وه‌ران بوو ل بن كۆنترۆلا داعشێ ده ،پرسياركر ئه‌رێ جاره‌كا دى دێ كارين ل ده‌ڤه‌را خۆ بژين،چێ پێ نه‌ڤێت نه‌خێر،ژبه‌ركو ب هه‌زاران ئێزديان رێيا مرنێ هه‌لبژارتنينه هه‌تا بگه‌هنه ئه‌وروپا،ژبه‌ر نه‌مانا ژيانێ ل ده‌ڤه‌رێن مه.
ڤێ كچێ ديسان پرسيار كر ئه‌رێ بۆچى چ فه‌توه نه‌هاتينه ده‌رێخستن بۆ ئيدانه‌كرنا ئه‌وا داعش دكه‌ت ل دژى كچێن ئێزديان،دبێژت ژى ئه‌م ژى وه‌كى وه مرۆڤين.
ژبه‌ر ئاخفتنا ناديايێ ئه‌وا دده‌ستێ داعشێ ده بۆ ماوێ سێ هه‌يڤان،سه‌رۆكێ زانكۆيا قاهيره گرى و گۆت زانكۆيا قاهيره يا كار دكه‌ت بۆ گه‌هاندنا ده‌نگێ ناديايێ بۆ هه‌موو جيهانێ.
