التخطي إلى المحتوى الرئيسي
بحث هذه المدونة الإلكترونية
شانده‌كى په‌رله‌مانێ كوردستانێ سه‌ره‌دانا شنگالێ دكه‌ت
ئێزديخان نيوز:
شانده‌كى په‌رله‌مانێ كوردستانێ كو ژ لژنه‌يێن پێشمه‌رگه‌ى و ئاڤه‌دانكرنێ و مافێ مرۆڤى و مافێ ژنێ پێكهاتيبوو،سه‌ره‌دانا قه‌زا شنگالێ كر،ڤان لژنه‌يان به‌رهه‌ڤيا خۆ دا دياركرن كو هه‌ر ئێك دبوارێ خۆ دا كار ژبۆ شنگالێ بكه‌تن .
ل گۆرى راگه‌هاندنا قايممقاميا قه‌زا شنگالێ دراگه‌هاندنه‌كێ دا به‌لاڤكريه،شانده‌كى په‌رله‌مانێ كوردستانێ ئيرۆ 1/12/2015سه‌ره‌دانا قه‌زا شنگالێ كر،ژبال قايممقامێ شنگالێ ڤه پێشوازى لێ هاته كرن.
دديداره‌كێ دا شاندێ ناڤبرى كو ژ سه‌رۆك و جێگرێ لژنا پێشمه‌رگه‌ى و سه‌رۆكێ لژنا ئاڤه‌دانكرنێ ل په‌رله‌مانێ كوردستانێ و به‌رپرسێن لژنه‌يێن مافێ مرۆڤى و ژنێ پێك هاتيبوو، به‌رهه‌ڤيا خۆ دانه دياركرن كو هه‌ر لژنه‌يه‌ك دبوارێ خۆدا دێ كار ژبۆ شنگالێ كه‌تن،پشته‌ڤانيا خۆ يا به‌رده‌وام ژى راگه‌هاندن ژبۆ سپاندنا ئه‌وا ل شنگالێ رووداى كۆمكوژييه‌كا بكۆمه.
