التخطي إلى المحتوى الرئيسي
بحث هذه المدونة الإلكترونية
دوو هه‌زار و 600خێزانێن ئاواره ڤه‌گه‌رياينه شنگالێ
ئێزديخان نيوز:
رێڤه‌به‌ريا كاروبارێن ئێزديان ل پارێزگه‌ها دهۆكێ رادگه‌هينت،تا نۆكه ژ18گۆرێن ب كۆم ل سنوورێ قه‌زا شنگالێ هاتينه ديتن،پێشبينى ژى هه‌يه 21گۆرێن دى ژى هه‌بن،هه‌روه‌سا ئاشكه‌راكريه ژى 70%ژ ئاخا شنگالێ هه‌تا نۆكه دده‌ستێ داعشێ دايه.
هادى دوبانى،رێڤه‌به‌رێ رێڤه‌به‌ريا كاروبارێن ئێزديان ل پارێزگه‌ها دهۆكێ راگه‌هاند،هنده‌ك ژ ئاخا شنگالێ تا نۆكه دده‌ستێ رێكخراوا تيرۆرستيا داعشێ دايه و هه‌ر ئێك ژ ناوچه‌يێن(گرعزێر،تلبه‌نات،تلقه‌سه‌ب،سيباشێخدرێ،حه‌ردان)كو ل دووڤ جوگرافيێ ئه‌ڤ ناوچه‌نه زێده‌تر ژ 70%يا ئاخا شنگالێ پێك دئينن،هه‌روه‌سا تا نۆكه وان چ زانيارى ل دۆر ده‌مێ ئازادكرنا وان نينن،لێ دخوازين ده‌م ئه‌ڤ ناوچه‌نه بێنه كۆنترۆلكرن،چنكو جهێ دروست يێ ئێزديانه و خه‌لكێ وێ ناوچێ گه‌له‌ك قوربانى ژ ده‌ستێن تيرۆرێ داينه.
دوبانى گۆتيه ژى زێده‌ترژ دوو هه‌زار و 600خێزانان ڤه‌گه‌رياينه جهێن خۆ كو پتريا وان ئاكنجيێن سنوونێ و ره‌خ و دۆرێن وێ نه،ديسا ئه‌گه‌ر بزاڤێن رژد بێنه كرن و خزمه‌تكارى بۆ شنگالێ بێنه دابينكرن،وه‌لاتيێن شنگالێ دێ ژ ئازارێن ناڤ كه‌مپان رزگاربن و جاره‌كا دى دێ ڤه‌گه‌رنه جهێن خۆ،هه‌روه‌سا ژ حكوومه‌تێن عێراقێ و هه‌رێما كوردستانێ و نه‌ته‌وه‌يێن ئێكگرتى دخوازين ب ئه‌ركێ خۆ رابن و شنگالێ ئاڤه‌دان بكه‌ن.
رێڤه‌به‌رێ رێڤه‌به‌ريا كاروبارێن ئێزديان ئاشكه‌راكريه ژى تا نۆكه تا نۆكه ژ18گۆرێن ب كۆم ل سنوورێ قه‌زا شنگالێ هاتينه ديتن،پێشبينى ژى هه‌يه 21گۆرێن دى ژى هه‌بن،ل وان ناوچه‌يێن هێش نه‌هاتينه رزگاركرن.
