بنگه‌هێ لالش:ئازادكرنا شنگالێ رۆژه‌كا ديرۆكى يه بۆ ئێزديا و كوردستانێ
ئێزديخان نيوز:
داخوازێ دكه‌ن بێهن فره‌يێ بپارێزن و لسه‌ر وان به‌لگه‌يا كو ئه‌وا ب سه‌رێ خه‌لكێ مه هاتى جينۆسايده و ب سه‌رپه‌رشتيا مه‌يدانى و ب شێوه‌يه‌كى راسته‌وخۆ ژلايێ سه‌رۆكێ هه‌رێمێ ڤه رێزدار(مه‌سعود بارزانى)،و بشيان و قوربانيدانا قاره‌مانێت هێزێن پێشمه‌رگه‌ى، شنگال خۆشتفى هاته پاقژكرن ژ چه‌په‌لێن چه‌كدارين داعشێن تيرۆرستى پشتى داستانه‌كا ديرۆكى كو دوو رۆژا به‌رده‌وام كرى، شنگال ب ئازادانا زڤرى بۆ باوه‌شا كوردستانێ.
ئه‌و رۆژه‌كا ديرۆكى و جياوازه ب تايبه‌تى بۆ ئێزديان و بۆ گه‌لێ كوردستانێ ب گشتى ،سه‌رۆك بارزانى سۆزا خۆ يا كو داى ل گه‌له‌ك بيره‌وه‌ريا دا ب جيهئانى ده‌مێ گۆتى هێزين پێشمه‌رگه‌ى دێ شنگالێ ئازاد كه‌ن بهايێ قوربانيێ چه‌ندێ گران بت.
و ئه‌م پيرۆزباهيێ ل سه‌رۆك بارزانى و په‌رله‌مان و حكومه‌ت و گه‌لێ كوردستانێ دكه‌ن ب ڤێ سه‌ركه‌فتنێ،هه‌روه‌سا پيرۆزباهيێ ل كوردێن ئێزدى ژى دكه‌ن ئه‌م داخوازێ ژ هه‌موو شه‌رڤانان و خه‌لكي خۆ يێ شنگالێ دكه‌ن بێهن فره‌هيێ بپارێزن و نه‌كه‌ڤنه دداڤێن دوژمنێن مرۆڤايه‌تيێ دا،هه‌روه‌سا هيچ كاره‌كى تۆلڤه‌كرنێ دژى لايه‌نه‌كى قه‌يوول ناكه‌ين، به‌لكو داخوازا پابه‌نديێ ب ياسايێ دكه‌ين، كو ياسا دێ پێ رابوونا به‌رامبه‌ر هه‌موووان كه‌س و لايه‌نێن ده‌ست دتاوانين كوشتن و سه‌رژێكرن و ره‌ڤاندن و په‌قاندنا مالان و و تالانكرنا ملك و مالێ شنگالێ كه‌ن.
هه‌روه‌سا داخوازێ دكه‌ين ب شێوه‌يه‌كى هوربين ره‌فتار بێته كرن ل دۆر تاوانا داگيركرنا شنگالێ، و پاراستنا گۆرێن ب كۆمه‌ل ده‌ستكارى تێدا نه‌ئێته كرن، و كار و ده‌رفه‌ت بۆ پسپپرێن ڤى بوارى بێته دان،چنكو ديارترين و گرنگترين به‌لگه‌نه ژبۆ هاريكاريا ئه‌وا ب سه‌رێ خه‌لكێ شنگالێ هاتى كو تاوانا جينۆسايدێ يه.
و گازيا خۆ دگه‌هينه حكومه‌تا هه‌رێما كوردستانێ ژبۆ هنارتنا تيمێن تايبه‌ت دڤى بوارى دا و بزووترين ده‌م ژبۆ ڤه‌ديتنا وان گۆرا و ئه‌نجامدانا تاقيكرنێن تايبه‌ت ژبۆ ناسينا قوربانيا ،هه‌روه‌سا هيڤيدارين تيمێن ئه‌ندازياريێن تايبه‌ت ژ هێزێن پێشمه‌رگه‌ى رابن ب پاقژكرنا شنگالێ ژ مين و ته‌قه‌مه‌نيا و تينتيا، ئاماژێ ده‌ينه په‌يڤا سه‌رۆك بارزانى و به‌يانناما سه‌رۆكێ حكومه‌تا هه‌رێما كوردستانێ رێزار نێچيرڤان بارزانى، ل دۆر پرسا ئاڤاكرنا شنگالێ و دووباره ئاڤاكرنا ژێرخانا وێ و له‌زكرن دپرسا كاراكرنا خزمه‌تكاريێن بنه‌ره‌تى،هه‌روه‌سا دووپات دكه‌ين كو ئه‌م دگه‌شبينين ب هه‌ولێن سه‌ركردايه‌تيا هه‌رێمێ ژبۆ پارێزگه‌هابوونا شنگالێ ، هه‌روه‌سا راكرنا وێ زوولم و زۆرداريا ديرۆكيا ل سه‌ر خه‌لكێ وێ ، هه‌روه‌سا دووپات دكه‌ين هه‌موو جڤاكێ ئێزدى چاڤه‌رێيى ئه‌وان ره‌ڤانديێن ئێزديا و كريارا ئازادكرنا وان ژناڤ ده‌ستێن هۆڤێن سه‌رده‌مى، و دڤيت ئه‌ڤ هه‌ولێن هه‌نێ ژبۆ رزگاركرنا وان بێنه كرن.
ل داويێ ئاماژێ دده‌ين كو ئه‌م ب هيڤى نه ئۆپراسيۆنێن ئازادكرنا ده‌شتا نه‌ينه‌وا ب شێوه‌يه‌كى گشتى و و باشيك و به‌حزانێ ب ِشێوه‌يه‌كى تايبه‌ت ل ده‌ستێن هێزێن پێشمه‌رگه‌يێن قاره‌مان و ب سه‌ركردايه‌تيا سه‌رۆك بارزانى ب زووترين ده‌م،داكو خێزانێن ئاواره‌يان بزڤرنه سه‌ر ج و وارين خۆ دگه‌ل ئاڤاكرنا وێ چه‌ندا هاتى خرابكرن و زڤراندنا ژێرخانا وێ.
