التخطي إلى المحتوى الرئيسي
بحث هذه المدونة الإلكترونية
ئالايێ كوردستانێ ل سه‌ر ئاڤاهيێ قايممقاميا قه‌زا شنگالێ هاته بلندكرن
ئێزديخان نيوز:
قايممقامێ قه‌زا شنگالێ راگه‌هاند،(سه‌رۆك بارزانى)برياردايه ئاخا شنگالێ ب ته‌مامى بێته ئازادكرن و ئۆپراسيۆنێ تا نۆكه سه‌ركه‌فتنێن مه‌زن ب ده‌ست ڤه ئيناينه،ئالايێ كوردستانێ ل سه‌ر ئاڤاهيێ قايممقاميا شنگالێ هاتيه بلندكرن.
مه‌حما خه‌ليل،قايممقامێ قه‌زا شنگالێ ب مالپه‌رێ فه‌رميێ پارتى ديموكراتى كوردستان راگه‌هاند،ئه‌ڤ ئۆپراسيۆنا ئازادكرنا شنگالێ ئيرۆل ژێرچاڤدێريا (سه‌رۆك بارزانى)هاتيه ئه‌نجام دان،جه‌ژنه‌كا مه‌زنه نه‌ته‌وه‌ييه بۆ هه‌موو كوردان ب تايبه‌ت ئێزديان و خه‌لك گه‌له‌ك كه‌يف خۆش بوويه(سه‌رۆك بارزانى)برياردايه دڤێت ئاخا شنگالێ ب ته‌مامى بێته ئازادكرن ،ڤێ ئۆپراسيۆنێ تا نۆكه سه‌ركه‌فتنێن مه‌زن ب ده‌ست ڤه ئيناينه وهێزێن پێشمه‌رگه‌ى ل سه‌رجه‌م جهێن دياركرى ل پێشڤه‌چۆنێ دان وداعش چوو به‌رگرى نه‌بوو و يێ دشكێن.
قايممقامێ قه‌زا شنگالێ گۆتژى نۆكه هێزێن پێشمه‌رگه‌ى ل پێشڤه‌چۆنێ دانه و چه‌ند جى هاتينه ئازادكرن و ل سه‌ر ئاڤاهيێ قايممقاميا قه‌زا شنگالێ ئالايێ پيرۆزێ كوردستانێ هاتيه بلندكرن،ئێزديخان گه‌له‌ك دلخۆشن و ئێزديخان و كوردستان ئيرۆ ل ئاهنگا سه‌ركه‌فتنێ دان.
