التخطي إلى المحتوى الرئيسي
بحث هذه المدونة الإلكترونية
نه‌ته‌وه‌يێن ئێكگرتى دێ كاره‌ساتا ئێزديان دكيۆمێنت كه‌ت
ئێزديخان نيوز:
په‌رله‌مانتار (ڤيان ده‌خيل) ئه‌نداما ئه‌نجومه‌نێ نونه‌رێن عێراقێ دديداره‌كێ دا دگه‌ل (اداما ديناك)راوێژكارێ ئه‌ميندارێ گشتيێ نه‌ته‌وه‌يێن ئێكگرتى بۆ كاروبارێن كۆمكوژييا ب كۆم،كاره‌ساتا ب سه‌رێ ئێزديان و گرنگيا دكيۆمينتكرنا وێ وه‌ك تاوانه‌كا كۆمكوژييا بكۆم(جينۆسايد) شرۆڤه‌كر.
نڤيسينگه‌ها راگه‌هاندنا ڤيان ده‌خيل ئاشكه‌راكر،ئيرۆ رێككه‌فتى(4/11/2015)ئه‌نداما ئه‌نجومه‌نێ نونه‌رێن عێراقێ(ڤيان ده‌خيل) ل گه‌ل راوێژكارێ ئه‌ميندارێ گشتيێ نه‌ته‌وه‌يێن ئێكگرتى بۆ كاروبارێن كۆمكوژييا ب كۆم كۆمبوو،دديداره‌كێ دا ژى ئه‌وا ب سه‌رێ ئێزديان ژ ده‌ستێ داعشێ هاتى و گرنگيا دكيۆمينتكرنا كاره‌ساتێ وه‌ك تاوانه‌كا كۆمكوژييا بكۆم(جينۆسايد) شرۆڤه‌كر،زێده‌بارى هندێ داخواز ژ نه‌ته‌وه‌يێن ئێكگرتى كر پتر هاريكاريا ئاواره‌يان بكه‌تن،چنكو ره‌وشا وان يا تێك دچتن.
نڤيسينگه‌ها راگه‌هاندنا په‌رله‌مانتارا ئێزدى ئاماژه‌كر،هه‌ر دڤێ ديدارێ دا راوێژكارێ ئه‌ميندارێ گشتيێ نه‌ته‌وه‌يێن ئێكگرتى نيازا خۆ نيشان دا بۆ دكيۆمێنتكرنا ڤێ تاوانا ل دژى ئێزديان هاتيه ئه‌نجام دان،شانازيا خۆ ژى ل هه‌مبه‌ر په‌يڤا په‌رله‌مانتارێ دا دياركرن ده‌مێ ئاخفتى لسه‌ر ئازارێن عێراقيان و نه‌كو چينه‌كا دياركرى،سه‌ره‌راى هندێ ئه‌و نونه‌راتيا ئێزديان ل ئه‌نجومه‌نێ نونه‌ران دكه‌تن،به‌لكو به‌حسێ لسه‌ر هه‌موو ئاواره‌يان و ئازارێن وان ژ هه‌موو مه‌زهه‌بن و ئاينان و كچێن شيعه ل تلعفه‌رێ ئه‌وا تووشبووينێ كر.
راوێژكارێ ئه‌ميندارێ گشتيێ نه‌ته‌وه‌يێن ئێكگرتى ئاشكه‌راكرژى ئه‌ز ب هيڤى مه ته رۆله‌كى گرنگ ل نشتيمانيێ و به‌لاڤكرنا ئاشتيێ دا هه‌بتن.
