التخطي إلى المحتوى الرئيسي
بحث هذه المدونة الإلكترونية
شێخ شامۆ:پێشمه‌رگه‌يێ قاره‌مان دێ شنگالێ رزگاركه‌تن
ئێزديخان نيوز:
(شێخ شامۆ) ئه‌ندامێ په‌رله‌مانێ كوردستانێ و سه‌رۆكێ ده‌سته‌يا بلندا بنگه‌هێ لالش دگه‌ل سه‌رۆك و ئه‌ندامێن بنگه‌ه و نڤيسينگه‌هان دكۆمبوونه‌كا ئاسايى دا كۆمبوو،ئاشكه‌راكرژى،ئه‌م پشت راستين رزگاركرنا شنگالێ دێ ژبال هێزێن پێشمه‌رگه‌يێن قاره‌مان و سه‌ركردايه‌تيا(سه‌رۆك بارزانى)بتن.
ب ئاماده‌بوونا(شێخ شامۆ) ئه‌ندامێ په‌رله‌مانێ كوردستانێ و سه‌رۆكێ ده‌سته‌يا بلندا بنگه‌هێ لالش و سه‌رۆك و ئه‌ندامێن بنگه‌ه و نڤيسينگه‌هان،ئيرۆ رێككه‌فتى(3/11/2015) بنگه‌هێ لالش كۆمبوونه‌كا ئاسايى گرێدا،دڤێ كۆمبوونێ دا شێخ شامۆ به‌حسێ وان چالاكيێن بنگه‌ه ونڤيسينگه‌هێن لالش يێن بۆ خزمه‌تكرنا ئاواره‌يان ئه‌نجام داين هه‌ر ژ ده‌ستپێكا هاتنا وان بۆ ده‌ڤه‌رێن هه‌رێما كوردستانێ كر،پاشى به‌حسێ ره‌وشا نۆكه يا كوردستانێ و عێراقێ و تاوانێن رێكخراوا داعش يا تيرۆرستى يێن ل دژى كوردێن ئێزدى ئه‌نجام داين به‌حسكرن.
دته‌وه‌ره‌كى دى يێ كۆمبوونێ دا شێخ شامۆ گۆت:نۆكه ئه‌م يێ دزحمه‌ترين قۆناغ دا ل هه‌رێمێ ده‌رباز دبين و سوپاسيا هه‌موو پارتان و هێزێن له‌شكه‌رى دكه‌ين يێن هاريكاريا خه‌لكێ مه‌يێ شنگالێ كرين،ئه‌م پشت راستين رزگاركرنا شنگالێ دێ ژبال هێزێن پێشمه‌رگه‌يێن قاره‌مان و سه‌ركردايه‌تيا(سه‌رۆك بارزانى)بتن.
سه‌رۆكێ ده‌سته‌يا بلندا بنگه‌هێ لالش گۆتژى هيڤيدارين ژ هه‌موويان به‌رژه‌وه‌نديێن كه‌سايه‌تى يێن سياسى بهێلن و هه‌ڤ بگرن ل دژى مه‌زنترين رێكخراو تيرۆرستى ل ڤى چه‌رخى،ژبۆ رزگاركرنا شنگالێ.
ل داوييا ڤێ كۆمبوونێ هه‌موو رێككه‌فتن بۆ ده‌رێخستنا به‌ياننامه‌يه‌كێ ب رێكخستنا كۆنگره‌يه‌كى رۆژنامه‌ڤانى ل دۆر روودانێن ڤێ داويێ يێن شنگالێ و ئۆپراسيۆنا رزگاركرنا وێ ژده‌ستێن تيرۆرستێن داعشێ و ڤه‌گه‌ريانا خه‌لكى بۆ ده‌ڤه‌رێن وان.
