بنگه‌هێ لالش و رێڤه‌به‌ريه‌كا دهۆكێ به‌رهه‌ڤيان بۆ شنگالێ دكه‌ن
ئێزديخان نيوز:
رێڤه‌به‌رێ رێڤه‌به‌رييا
گشتى يا ره‌وشه‌نبيرى و هونه‌رى ل پارێزگه‌ها دهۆكێ ئاشكه‌راكر،پشتى جێگربوونا ره‌وشێ و ڤه‌گه‌ريانا خه‌لكى بۆ شنگالێ،رێڤه‌به‌رى دێ چالاكيێن
مه‌زن ب هه‌ماهه‌نگى دگه‌ل بنگه‌هێ لالش ل شنگالێ ئه‌نجام ده‌تن.
شانده‌كى بنگه‌هێ لالش ل دهۆكێ،ئيرۆ 25/11سه‌ره‌دانا رێڤه‌به‌رييا گشتى يا ره‌وشه‌نبيرى و هونه‌رى ل پارێزگه‌ها دهۆكێ كر،ب مه‌ره‌ما پێرۆزباهيكرنێ ب هه‌لكه‌فتا ڤه‌گۆهاستنا وان بۆ ئاڤاهيه‌كى دى،دهه‌ڤديتنه‌كێ دا(شێخ شامۆ)سه‌رۆكێ بنگه‌هێ لالش و(ئه‌يوب ره‌مه‌زان) رێڤه‌به‌رێ رێڤه‌به‌ريا ناڤبرى به‌حسێ ره‌وشا كوردێن ئێزدى و قه‌زا شنگال دوارێ ره‌وشه‌نبيرى دا كر.
شێخ شامۆ،سه‌رۆكێ بنگه‌هێ لالش گۆت:په‌يوه‌ندى و هه‌ڤكاريه‌كا باش دناڤبه‌را رێڤه‌به‌ريێ و بنگه‌هى دا هه‌يه،دووپاتكر ئه‌ڤ رێڤه‌به‌رييه بۆمه گه‌له‌كه و رۆلێ وێ بۆ پێشڤه‌برنا بزاڤا ره‌وشه‌نبيرى ل ده‌ڤه‌رێ بلند دنرخينين.
ل به‌رامبه‌ردا ئه‌يوب ره‌مه‌زان،رێڤه‌به‌رێ رێڤه‌به‌رييا گشتى يا ره‌وشه‌نبيرى و هونه‌رى گۆت:بنگه‌هێ لالش ژ ئاليێ نه‌ته‌وه‌يى و ره‌وشه‌نبيرى ڤه خزمه‌تا جڤاكێ كوردى كريه و رۆله‌كى مه‌زن هه‌يه بۆ گه‌هاندنا ده‌نگ و ئازارێن ئێزديان بۆ جهێن شۆله‌ژێ،دووپاتكر پشتى جێگربوونا ره‌وشێ و ڤه‌گه‌ريانا خه‌لكى بۆ شنگالێ،رێڤه‌به‌رى دێ چالاكيێن مه‌زن ب هه‌ماهه‌نگى دگه‌ل بنگه‌هێ لالش ل شنگالێ ئه‌نجام ده‌تن.
