پرۆفيسۆر و مێژوونووسێ توركى و دۆستێ گه‌لێ كورد(ئيسماعيل بێشكچى)سه‌ره‌دانا مه‌زارگه‌هێ شه‌رفه‌دين ل شنگالێ كر،ب گه‌رمى ژلايێ مجێورێ مه‌زارگه‌هى و كه‌سايه‌تيێن ئێزدى يێن ئايينى و جڤاكى پێشوازى لێ هاته كرن.
ده‌رباره‌ى سه‌ره‌دانا (بێشكچى) شێخ زيدۆ باعه‌درى بۆ مالپه‌رێ ئێزديخان نيوز گۆت: ل رێككه‌فتى 27/11/2015 مێژوونووسێ تورك سه‌ره‌دانا مه‌زارگه‌هێ شه‌رفه‌دين كر و راگه‌هاند (سه‌رۆك بارزانى) ل ئێش و ئازارێن ئێزديان تێدگه‌هت و كار دكه‌ت خه‌مێن وان نه‌هێلت و مافێن وان بينت و بپارێزتن.
مێژوونووسێ تورك هه‌روه‌سا گۆتژى كورد ب گشتى تووشى زوولمێ بووينه،به‌لێ كوردێن ئێزدى دوو جاران ژبه‌ر نه‌ته‌وه و ئايينێ خۆ تووشى زوولمێ بووينه،رۆنكرژى ئه‌و گه‌له‌ك ل سه‌ر ئێزديان دزانت،دووپاتكر كو
كۆمكارا ئه‌ره‌بى و كۆربه‌ندێ وه‌لاتێن ئيسلامى،ب به‌رامبه‌ر ب ئێزديان ب
ئه‌ركێ خۆ رانه‌بوون،وى وه‌ختى پێنج هه‌زار ئێزدى دهاتنه ژناڤبرن ئه‌وان
بێده‌نگى هه‌لبژارت بوو،هه‌تا كو ده‌رنه‌كه‌فتن كو به‌ياننامه‌يه‌كا ئيدانكرنێ ده‌ربێخن.
(بێشكچى) هه‌روه‌سا سوپاسيا خۆراگريا قاره‌مانيا هێزێن پێشمه‌رگه‌ى و به‌رخودانێن ئێزديان كر،كو ل دژى داعشێ سه‌كنين،كو داوى جار پێشمه‌رگه‌ى شنگال رزگاركر.
