كوردێن ئێزدى سه‌رۆك بارزانى ب رزگاركه‌رێ ئێزديان ناڤ دبه‌ن

ئێزديخان نيوز:

 ل ده‌مێ ڤه‌گه‌ريانێ ژ شنگالێ (سه‌رۆك بارزانى)سه‌ره‌دانا ناوچه‌يا باعه‌درێ كر،پاش پێشوازييه‌كا بێ وێنه‌ ژ لايێ جێگرێ ميرێ ئێزديان(حازم مير ته‌حسين به‌گ) و سه‌رۆكێ جڤاتا رۆحانى(بابا شێخ)و جێگرێ سه‌رۆكێ جڤاتێ و ئه‌ندامان و جه‌ماوه‌ره‌كى به‌رچاڤێ ئێزديان،نازناڤێ ب رزگاركه‌رێ ئێزديان دانا.

 

جه‌ماوه‌رێ ئێزديان ل خۆشيا سه‌ره‌دانا(سه‌رۆك بارزانى) ب گول و دروشمێ بژى(سه‌رۆك)و رزگاركه‌رێ ئێزديان،پێشوازى لێ كر،هه‌روه‌سا جڤاتا رۆحانيا ئێزديان،قوربانيدانا پێشمه‌رگه‌يان ل رزگاركرنا شنگالێ بلند نرخاند و ب داستانا قاره‌مانانه‌ ب ناڤ بر. 

 

ل گۆر مالپه‌رێ پارتى ديموكراتى كوردستان دچارچۆڤه‌يێ سه‌ره‌دانێ دا،جڤاتا رۆحانيا ئێزديان ب ده‌رفه‌ت زانى، چار داخوازى ژ سه‌رۆكێ هه‌رێما كوردستانێ كرن ئه‌و ژى ئه‌ڤه‌ نه‌:

 

1.ئه‌ڤ ده‌ڤه‌رنه‌ هێشتا نه‌هاتينه‌ رزگاركرن،كۆمه‌لگه‌هێن سه‌ر ب شنگالێ ڤه‌ وه‌ك(سيبا شێخدر،گرعزێر،تلقه‌سه‌ب،تل به‌نات،كۆچۆ،حاتمييه‌).

 2.رزگاركرنا باشيك و به‌حزانێ و نه‌به‌ستنا ڤان ناوچان ب رزگاركرنا مووسلێ ڤه‌.

 3. كار بۆ ره‌ڤانديێن ئێزدى بێته‌ كرن،هه‌ول چرتر بن.

 4. ئاڤه‌دانكرنا ناوچه‌يێن رزگاركرى و قه‌ره‌بووكرنا زيان پێكه‌فتييان ده‌مێ ڤه‌دگه‌رنه‌ سه‌ر وارێن خۆ.

 

ل به‌رامبه‌راد(سه‌رۆك بارزانى)داخوازى ب ئه‌ركێ هه‌ر تاكه‌كى كورد زانى،ئێزديان گه‌له‌ك سوپاسيا(سه‌رۆك) و خێزانێن شه‌هيدێن پێشمه‌رگه‌يان كر،كو داكۆكى كربوون و ناوچه‌يێن وان ئازادكرن.