حازم ته‌حسين،وه‌كيلێ ميرێ ئێزديان راگه‌هاند، وه‌ك شاندێ ئێزديان ل رووسيا مه يا داشتنامه‌يه‌ك پێشكێشى (ميخائيل بوگدانوف)جێگرێ وه‌زيرێ ده‌رڤه‌يا رووسيا و نونه‌رێ سه‌رۆكێ رووسى بۆ كاروبارێن رۆژهه‌لاتا ناڤين كريه،تێدا هاتيه ئێزدى دمێژوويێ دا تووشى گه‌له‌ك هه‌وێن كۆم كۆژييا ب كۆم بووينه،يا داويێ ژى ل هه‌يڤا ئابا سالا 2014تووشى وه‌حشترين تاوان بوون،ئه‌م دزانين هون ل نێزيك ته‌ماشه‌ى ره‌وشا رۆژهه‌لاتا ناڤين و عيراقێ و هه‌رێما كوردستانێ دكه‌ن.
حازم ته‌حسين ئاماژه‌كريه دڤێ ياداشتنامه‌يێ دا مه چه‌ند داخوازى پێشكێشكرينه و يا ئێكێ نۆكه نێزيكى 400000ئێزدى دره‌وشه‌كا ب زه‌حمه‌ت دا ل 21كه‌مپان دژين و ئه‌و پێدڤى ب خزمه‌تكاريێن ساخله‌ميێ و فێركرنێ و كه‌ره‌سته‌يێن خوارنێ و خزمه‌تكاريێن ديترن و ژهێزا حكومه‌تا هه‌رێمێ ده‌ركه‌فتيه،له‌وا داخوازێ ژوه دكه‌ين وه‌كو حكومه‌تا رووسيا ئتيحادى ل نه‌ته‌وه‌يێن ئيكگرتى پتر هاريكارييان پێشكێشى ئێزديان ل كه‌مپان بكه‌ن،خالا دوويێ ژى ئه‌و تاوانا ئێزدى تووشبووينێ بوو ئه‌گه‌ر كو 5838ئێخسير بكه‌ڤنه دده‌ستێ تيرۆرستێن داعشێ دا،ژوانا 3192مێنه و 2646نێرو نێزيكى 1600ناچاركرينه راهێنانێ ل سه‌ربازگه‌هێن داعشێ بكه‌ن كو ب كريارێن خۆكوژيێ رابن،ژ وه دخوازين و ب ناڤێ مرۆڤايه‌تيێ ڤان كه‌سان رزگاربكه‌ن.
