ئه‌گه‌رێن كۆچكرنا كێمينه‌يان بۆ حكوومه‌تا عيراقێ و هه‌رێمێ هاتنه بلندكرن
الحصول على الرابط
Facebook
Twitter
Pinterest
بريد إلكتروني
التطبيقات الأخرى
ئێزديخان نيوز:
لژنه‌يا خوندن و ڤه‌كۆلينان ل بنگه‌هێ لالش يێ ره‌وشه‌نبيرى و كۆمه‌لايه‌تى ب هه‌ڤكارى دگه‌ل زانكۆيا ئه‌مريكى ل دهۆكێ،رونشتنه‌كا ئه‌كاديمى سازدا ل دۆر(كۆچكرنا كێمينه‌يێن ئاينى بۆ ژ ده‌رڤه_ئه‌گه‌ر و چاوانيا چاره‌سه‌ركرنێ و چاوانيا پێشكێشكرنا هاريكارييان بۆ په‌نابه‌رێن ئێزدى و مه‌سيحى و كێمينه‌يێن ديتر يێن ئاينى يێن وه‌لات بجێهێلايى و كۆچكرينه ژ ده‌رڤه).
لژنه‌يا خوندن و ڤه‌كۆلينان ل بنگه‌هێ لالش راگه‌هانديه،ل رێككه‌فتى(19/11/2015)رونشتنا ئه‌كاديمى يا ل دۆر(كۆچكرنا
كێمينه‌يێن ئاينى بۆ ژ ده‌رڤه_ئه‌گه‌ر و چاوانيا چاره‌سه‌ركرنێ و چاوانيا
پێشكێشكرنا هاريكارييان بۆ په‌نابه‌رێن ئێزدى و مه‌سيحى و كێمينه‌يێن ديتر
يێن ئاينى يێن وه‌لات بجێهێلايى و كۆچكرينه ژ ده‌رڤه) ب به‌شدارييا كۆمه‌كا ئه‌كاديمى و ڤه‌كۆله‌رێن ئێزديان و مه‌سيحييان و(شێخ شامۆ)ئه‌ندامێ په‌رله‌مانێ كوردستانێ و سه‌رۆكێ ده‌سته‌يا بلندا بنگه‌هێ لالش،ل باره‌گايێ زانكۆيا ئه‌مريكى ل سيمێلێ هاته سازدان.
دڤێ رونشتنێ دا ئاماده‌بوويان به‌حسێ ئه‌گه‌رێن سياسى و ئابوورى و ئه‌منى و جڤاكى كرن ئه‌وێن ڤان پێكهاته‌يێن عيراقى يێن ره‌سه‌ن پالدده‌ن وه‌لاتێ خۆ بجهبهێلن و كۆچ بكه‌نه وه‌لاتێن ئه‌وروپى و رۆژئاڤا،دگه‌ل وان فاكته‌رێن وه‌لاتێن ئه‌وروپى يێن ڤان پێلێن مرۆڤان دكێشنه خۆ كو كۆچ بكه‌نێ،هه‌روه‌سان چاوانيا گرنگى دان ب داخوازى و مافێن سياسى و جڤاكى و ئاينى يێن ڤان كێمينه‌يێن ئاينى ل كوردستانێ و عيراقێ و چاوانيا گرنتيا مافێن وان يێن ده‌ستورى و به‌شداريا وان دژيانا سياسى دا و كارگێريا ده‌ڤه‌رێن وان يا ئه‌تنۆمى بت وه‌ك پێنگاڤێن ده‌ستپێكى بۆ به‌رنگاربوونا ڤێ ئاريشێ گه‌نگه‌شه‌كرن.
ل داوويا ڤێ رونشتنێ كۆمه‌كا داخوازى و راسپارده‌يان هاتنه نڤيسين،كو گرێداى ب ئه‌گه‌رێن كۆچكرنێ و چاوانيا گرنگى دان ب داخوازيێن كێمينه‌يێن ئاينى و پێشكێشكرنا پشته‌ڤانيێ ل وه‌لاتى بۆ وان و كۆچبه‌ر قوربانيێن جه‌نگا و نه‌جێگربوونا بارێ ئێمناهيێ و يێ سياسى نه،له‌وا رابووينه وه‌لاتێ خۆ بهێلن،ئه‌ڤنه دێ بۆ لايه‌نێن حكوومى ئێنه بلندكرن ل حكوومه‌تا هه‌رێما كوردستانێ و حكوومه‌تا ناڤه‌ندى ل به‌غدايێ و رێكخراوێن نێڤ ده‌وله‌تى يێن شۆله‌ژێ.
