ب ئارمانجا سه‌ره‌ده‌ريكرن ب شێوه‌يه‌كى زانستى و ئه‌كاديمى،لژنا ڤه‌كۆلينان ل ده‌سته‌يا بلندا بنگه‌هێ لالش دێ خۆله‌كێ ژبۆ چاوانيا دكێۆمێنتكرنا كاره‌ساتا شنگالێ ڤه‌كه‌ت.
حجى مغسۆ،ئه‌ندامێ لژنا ڤه‌كۆلينان ل ده‌سته‌يا بلندا بنگه‌هێ لالش ب مالپه‌رێ ئێزديخان نيوز راگه‌هاند،لژنا ڤه‌كۆلينا يا ئه‌كاديمى ل بنگه‌هێ لالش رابوويه ب رێكخستنا خۆله‌كا راهێنانێ بۆ ژماره‌كا ڤه‌كۆله‌رێن ئێزديان ئه‌وێن پوته‌دانێ دده‌نه ده‌رفه‌تا دكيۆمينتكرنا روودانێت كاره‌ساتا شنگالێ و چاوانيا دكيۆمێنتكرنا وان تاوانێن دژى مرۆڤايه‌تيێ ئه‌وێن رێكخستيا داعش يا تيرۆرستى ئه‌نجام داى دده‌رهه‌قێ خه‌لكێ شنگالێ ل(3/8/2014)، ب ئارمانجا سه‌ره‌ده‌ريكرن ب شێوه‌يه‌كى زانستى و ئه‌كاديمى و دگه‌ل وان به‌لگه و دكيۆمێنتان و گۆرێن ب كۆم و تۆماركرنا ئاخفتنێن وان كه‌سێن هاتينه رزگاركرن.
ئه‌ندامێ لژنا ڤه‌كۆلينان گۆتژى ئه‌ڤ خۆله دێ بۆ ماوێ سێ رۆژان ڤه‌كێشت ژ10هه‌تا 12ڤێ هه‌يڤێ و چه‌ندين وانێن زانستى دێ ئێنه پێشكێشكرن ژ لايێ(د.په‌روين نورى عارف)مامۆستايا زانكۆيا سلێمانيێ و سه‌رۆكا به‌شێ مێژوويا زاراكى ل رێڤه‌به‌ريا شه‌هيد و ئه‌نفالا ل سلێمانيێ،لايێ دى ژ ڤێ خۆلێ دێ ئێت ته‌رخانكرن ژبۆ گرنگيا دكيۆمێنتكرنا مێژوويا زاراكى يا ئێزديان ژ ده‌ست پێكا فه‌رمانێت مێژووى يێن دژى ڤى ئايينى و هه‌تا داوى فه‌رمان ئه‌وا رێكخستيا داعش يا تيرۆرستى ئه‌نجام داى دده‌رهه‌قێ وان.
