ل مه‌زنترين گوندێ ئێزديان ل سه‌ر ئاستێ عێراقێ،مۆزه‌خانه‌ك بۆ پاراستنا كه‌ل و په‌لێن فلكلۆرێ ئێزديان هاتيه دروستكرن.
الياس نه‌عمۆ خه‌تارى،به‌رپرسێ سه‌نته‌رێ خه‌تارێ يێ ره‌وشه‌نبيرى بۆ ئێزديخان نيوز دياركر،ب مه‌ره‌ما پاراستنا كه‌له‌پۆرێ باب و كالا و داكو ئه‌ڤ تشتێن هه‌نێ ژ ناڤ نه‌چن و هه‌ر يێت ديار بن بۆ نه‌ڤيێن وان باب و كالا،ديسان دا خه‌لك بزانت چاوا ژيان به‌رێ ده‌رباز دبوو و ب ره‌مگى ب رێڤه دچۆ،مه وه‌كو سه‌نته‌رێ خه‌تارێ يێ ره‌وشه‌نبيرى ئه‌ڤ چه‌نده كره ئارمانجا خۆ هه‌ر ژ ده‌ستپێكا دامه‌زراندنا سه‌نته‌رێ مه، ب ده‌ستكه‌فتنا مۆله‌تا سه‌نته‌رى ل سالا 2007مه وه‌ك ستاف برياردا ب خرڤه‌كرنا كه‌ل و په‌لێن كه‌ڤن رابين و چێكرنا مۆزه‌خانا سه‌نته‌رى مه ل به‌رچاڤێن خۆ دانا و ب هاريكارييا هه‌موو ئه‌ندامان و خه‌لكێ خه‌تارێ مه كارى ژماره‌كا باش دژۆره‌كا پر ده‌غه‌ل وكه‌ل و په‌لێن كه‌ڤن پێك دئێتن چى ژ ئاميرێن ناڤ مالێ و كۆمه‌كا جل وبه‌رگان،يانژى ئاميرێن ژيانا جۆتيارى و چاندنێ و درونا ده‌خلان و ڤاڤارتنا گه‌نم و جه‌هى و نۆكا ونيسكا ژ قرش و قالى،ديسان ئاميرێن ئاڤاكرنا ئاڤاهيێن به‌رێ.
خه‌تارى گۆتژى گوندێ خه‌تارێ ژ كه‌ڤن دا ناڤداربوويه ب چێكرنا ده‌نگ و جه‌ركا و ئامانێن كالۆكى و ژ هه‌ريێ و پاشى دقلاندن ب كوورها و ئاگرى بۆ ژيانا خۆ يا رۆژانه بكاردئينان،له‌وما ل سه‌نته‌رێ مه كۆمه‌كا ده‌نكا و جه‌ركێن كه‌ڤن لێ هه‌نه.
به‌رپرسێ سه‌نته‌رێ خه‌تارێ دياركرژى پشتى كاره‌ساتا(3/8/2015)ئێزدى بێ ئۆمێدبوون ل هه‌ر تشته‌كى هه‌بت،هه‌لبه‌ت كه‌له‌پۆرێ باب و باپيران به‌شه‌كه ژ وێ بێ ئۆمێديێ،به‌لكو گێولێ كه‌سێ ئێزدى نه‌ما ئيرۆ كار بكه‌ت ل سه‌ر ڤان كاران،لێ تشتێ هه‌رێ مه‌زن ل بيرا ئێزديان رزگاركرنا ئێخسيرێن دده‌ستێ داعشێ دايه و ڤه‌گه‌ريانا خه‌لكێ مه بۆ سه‌ر وارێن وان.
ناڤبرى دازانين مه وه‌ك سه‌نته‌ر پشكدارى دچه‌ند چالاكيێن خه‌اترێ و ده‌ڤه‌رێ دا كريه ب ڤێ مۆزه‌خانێ،ژوانا ڤيسته‌ڤالا دهۆك يا نێڤ ده‌وله‌تى به‌رى چه‌ند سالان و هه‌موو ڤيسته‌ڤالێن رۆژا شێخان يێن هونه‌رى و ره‌وشه‌نبيرى ب هه‌ڤكارى دگه‌ل رێڤه‌به‌رييا ره‌وشه‌نبيرى و هونه‌رى/شێخان،هه‌ر ديسان به‌رده‌وام سه‌ره‌دانێن ڤێ مۆزه‌خانێ دئێنه كرن ژلايێ هه‌ڤال و مێهڤانێن سه‌نته‌رى و ميدياكار و رۆژنامه‌ڤانان.
بۆ زانين خه‌تارێ ب مه‌زنترين گوند ل سه‌ر ئاستێ عيراقێ دئێته هژمارتن.
