التخطي إلى المحتوى الرئيسي
بحث هذه المدونة الإلكترونية
به‌رپرسه‌كى ئێزدى ژماره‌يا گۆرێن هاتينه ديتن ئاشكه‌را دكه‌ت
ئێزديخان نيوز:
دئێته پێشبينى كرن 21گۆرێن دى ل شنگالێ هه‌بن،پشتى كو سێ گۆرێن بكۆم هاتينه ديتن،هۆشدارى ب وه‌لاتيان هاتيه دان ده‌ستكاريێ دوان گۆران دا نه‌كه‌ن هه‌تا كو لژنه ڤه‌دكه‌ن.
هادى دوبانى،رێڤه‌به‌رێ رێڤه‌به‌ريا كاروبارێن ئێزديان ل پارێزگه‌ها دهۆكێ راگه‌هاند،پشتى رزگاركرنا شنگالێ ژئاليێ هێزێن پێشمه‌رگه‌ى ڤه كو(مه‌سعود بارزانى)سه‌رۆكێ هه‌رێما كوردستانێ رسته‌وخۆ سه‌رپه‌رشتى دكر،به‌رده‌وام گۆرێن بكۆم دئێنه ديتن،تانۆكه سێ گۆرپشتى رزگاركرنێ هاتينه ديتن،ل سنورێ قه‌زا شنگالێ ژماره‌يا گۆرێن بكۆم گه‌هشتيه 15گۆران و پێشبينى دكه‌ين 21گۆرێن دى ژى بێنه ديتن.
دوبانى گۆتژى نابت وه‌لاتى ده‌ستكاريێ دوان گۆران دا بكه‌ن،چنكو ڤه‌كرنا گۆرێن بكۆم لژنه‌يه‌ك هه‌يه و ب باشترين شێوه وان گۆران ڤه‌دكه‌ت،بۆ وێ يه‌كێ بكه‌نه به‌لگه بۆ دادگه‌هێن نێڤ ده‌وله‌تى دا مافێ ئێزديان نه‌ئێته خوارن و ئه‌و كاره‌ساته ب جينۆسايد بێته ناسكرن.
