ل ژێر چاڤدێريا شێخ شامۆ پێكهاتنه‌كا جڤاكى هاته ئه‌نجام دان
ئێزديخان نيوز:
ل ژێر چاڤدێرييا(شێخ شامۆ)ئه‌ندامێ په‌رله‌مانێ كوردستانێ و سه‌رۆكێ ده‌سته‌يا بلندا بنگه‌هێ لالش،ئيرۆ ل گوندێ سيجى پێكهاتنه‌كا جڤاكى ل ناڤبه‌را بنه‌ماله‌كا دهۆكێ و فه‌قيرێت مالا حه‌سه‌ن المعو شنگالى) هاته ئه‌نجامدان.
ل گۆر راگه‌هاندنا بنگه‌هێ لالش:ل رێككه‌فتى(26/10/2015) و ل ژێر چاڤدێرييا(شێخ شامۆ) و ب ئاماده‌بوونا شێخ شامۆ و فه‌قير خدر به‌ركات كه‌سو و حاكم نه‌مر و خشو ميرزا و زيره‌ك ئاغا دۆسكى و ژماره‌يه‌كا ريهسپى و كه‌سايه‌تيێن هه‌ردوو ئاليان ل گوندێ سيجى پێكهاتنه‌كا جڤاكى ل ناڤبه‌را بنه‌ماله‌كا دهۆكێ و فه‌قيرێت مالا حه‌سه‌ن المعو شنگالى) هاته ئه‌نجامدان،كو ب ئه‌گه‌رێ روودانه‌كا ترافيكى ب مخابنى ڤه پێشمه‌رگه(قوال خدێدا مندو)گيانێ خۆ ژ ده‌ست دا و پێشمه‌رگه(حجى ئلياس مندو) ب گرانى بريندارببوو.
دمه‌راسيمان دا ل ده‌ستپێكێ شێخ شامۆ دوعا ژ خودێ خوه‌ستن جهێ ره‌حمه‌تى ب به‌هشتا خۆدێ مه‌زن به و سه‌برێبدێ كه‌س و كارێن وى و گۆت سوپاسدار و منه‌تكارێ وه و رێزگرتن و جوامێريا وه‌نه و ون مرۆڤێت قه‌در ناسن و درێژى دا گۆتنا خۆ و گۆت گاڤا وه‌لاتێ مه يه‌ك به دوژمنێ يه‌ك به چون و هاتن و رابوون و رونشتنێ مه ب هه‌ڤره بن ب تاكيد مقه‌ده‌ر و روودانێن نه‌خواستى وى بينه پێشبه‌رى مه و دڤيا مه هه‌ميان باوه‌رى ب قه‌ده‌رێ هه‌به و يه‌كتر قه‌بوول بكن و ئه‌م برايێن هه‌ڤن و شريكێ ڤێ ئاخێنه و خۆشى و نه‌خۆشيێ مه ئێكن.
ل داويێ ژى شێخ شامۆ وێ جوامێريا بنه‌مالا فه‌قيرا كر و پاشره فه‌قير خدر كه‌سو ئاماژه دا گۆتنێن شێخ شامۆ و گۆت ئه‌م ملله‌ته‌كن مه باوه‌ريه‌كا موكم ب قه‌ده‌رێ هه‌يه و رۆژا ره‌حمه‌تى وسا هات و ئه‌م ب حوكمێ خودێ مه‌زن درازينه و ون برايێن مه‌نه و هاتنا وه سه‌ر سه‌ر و چاڤێن مه.
پاشى ژپێش بنه‌مالا ره‌حمه‌تى ڤه(به‌ركات ابراهيم خه‌له‌ف)ب خێرهاتنا مێڤانا كر و گۆت مه خوينا پێشمه‌رگێ خۆ قوربانى وێ جوامێرى و هاريكارى و خوه‌يى ده‌ركه‌فتا خه‌لكێ پارێزگه‌ها دهۆكێ و هه‌موو كوردستانێ دكن كو دنه‌خۆشترين و ته‌نگاڤترين و سه‌خت ترين رۆژ دا به‌ربارێ مه ئێزديان ڤه رابوون و گۆت مينا شێخ شامۆ كه‌ره‌مكرى ئاخا مه و دوژمنێ مه يه‌كه گاڤا يه‌ك بن مقه‌ده‌ر و خۆشى و نه‌خۆشيێن مه ژى ئێكن و دڤێت مينا برا ب هه‌ڤره بژين و گۆت ب ئاماده‌بوونا ڤان جوامێرا مه چ دعوا و دوز سه‌رڤێ مالێ نينن و ئه‌م به‌رهه‌ڤن ته‌نازلێ ژ دعوايێ بكن و گۆت ره‌حمه‌تى پێشمه‌رگه‌يێ كوردستانێ بوو و ب مخابنى ڤه ب رزگاركرنا شنگالێ شا نه‌بوو.
پاشى زيره‌ك ئاخادۆسكى دپه‌يڤه‌كێ دا گۆت ژ ئه‌رد هه‌تا ئه‌سمانا ممنونێ جوامێرى و ريزگرتنا وه و هه‌موو خێرخوازا نه و گۆت ئێزدى دناسكرينه ب ره‌حم و جوامێرى و مرۆڤايه‌تيێ قه‌نجيا وه لسه‌ر سه‌رێ مه‌و گۆت ئه‌م ئاماده‌نه بۆ هه‌ر تشته‌كى ژ مه بێته خوه‌ستن دنيا رۆژێن خودێ نه قه‌نجيا وه نايێ ژ بيركرن و خودێ سه‌برێ بده خێزان و كه‌س و كارێن ره‌حمه‌تى و جهێ وى به‌هشت به.
پشتى خاتر خواستنێ ئاماده‌بوويان سه‌ره‌دانا نه‌خۆشخانا ته‌نگاڤيان كرن و ژ نێزيك ڤه ل ره‌وشا ساخله‌ميا(حجى ئلياس مندو) پرسين كو ژ ئه‌گه‌رێ وێ روودانێ ب گرانى بريندار ببوو و ناڤبرى ژى پێشمه‌رگه‌يێ فه‌وجا (قاسم سمێر) بوو و ب ئاماده‌بوونا كورێ قاسم سمێر ب وى حالى ڤه ناڤبرى ته‌نازل ژ هه‌ق و دعوا خۆ كر و گۆت تشتێ مامێ من شێخ شامۆ و قاسم سمێر كرى من كريه مه‌منونێ هاتنا وه هه‌موويان.
پاشى زيره‌ك ئاغا دۆسكى سوپاسيا شێخ شامۆ و خێرخوازێن به‌شدارى دڤێ پێكهاتنێ دا كرى كر و دبه‌رانبه‌ردا شێخ شامۆ گۆت مه حه‌وجه‌ى ب هه‌ڤ هه‌يه و وه‌ك بنه‌مال وه هه‌لويستێن باش و جوامێرانه ل گه‌ل ئێزديان هه‌نه و واجبێ مه‌يه ب ئه‌ركێ خۆ يێ ئولى و نه‌ته‌وه‌ى و جڤاكى رابين.
