ل رۆژا ئێكشه‌مبوويێ (4/10/2015) د.شه‌وقى عه‌لام موفتى گشتيێ كۆمارا مسرێ ل قاهيره پێشوازى ل شانده‌كى وه‌زاره‌تا ئه‌وقاف و كاروبارێن ئايينى يا حكومه‌تا هه‌رێما كوردستانێ كر كو پيكهاتيبوون ژ خێرى بۆزانى رێڤه‌به‌رێ گشتيێ كاروبارێن ئێزديان و خالد جه‌مال رێڤه‌به‌رێ گشتيێ كاروبارێن مه‌سيحيان و مه‌ريوان نه‌قشه‌به‌ندى به‌رپرسێ په‌يوه‌نديێن وه‌زاره‌تا ئه‌وقافێ.
مه‌ريوان نه‌قشه‌به‌ندى،به‌رپرسێ په‌يوه‌نديێن وه‌زاره‌تا ئه‌وقافێ راگه‌هاند،دديداره‌كێ دا كو نێزيكى ده‌مژمێره‌كى بوو و حه‌سۆ هورمى كه‌سايه‌تيێ ئێزدى و چالاكڤانێ مافێ مرۆڤى تێدا ئاماده ببوو موفتى گشتيێ مسرێ گوه ل ل بارودۆخێ ئێزديان و تاوانێن داعش ل ب سه‌بيكرن و كرين و فرۆشتن ب كچێن ئێزدى و شێوازێ رووبه‌رووبوونا هزرا توندره‌ويێ ژلايێ وه‌زاره‌تا ئه‌وقافێ و رێكخراوێن كوردستانێ و سه‌ركه‌فتنێن هێزێن پێشمه‌رگه‌ى به‌رامبه‌ر چه‌كدارێن داعشێ ل به‌ره‌يێن جه‌نگى بوو.
نه‌قشه‌به‌ندى ئه‌و چه‌نده ژى دياركريه كو خێرى بۆزانى سه‌رۆكێ شاندێ وه‌زاره‌تا ئه‌وقافێ ياداشتنامه‌يه‌ك پێشكێشى موفتى مسرێ كر بۆ ده‌ربرينا هه‌لويستێ ره‌سمى و شه‌رعى سه‌باره‌ت ب تاوانێن داعش و ئه‌و كريارێن ب ناڤێ ئيسلامێ دژى كورد و پێكهاته‌يێن ئايينى يێن كوردستانێ دكه‌ت.
به‌رپرسێ په‌يوه‌نديێن وه‌زاره‌تا ئه‌وقافێ دياركريه ژى د.شه‌وقى عه‌لام موفتى مسر سه‌ره‌راى وێ خۆشحالى و پێشوازييا گه‌رم يا ل شاندێ وه‌زاره‌تا ئه‌وقافێ كرى پشته‌ڤانيا خۆ بۆ گه‌لێ كورد و هه‌ولێن رووبه‌رووبوونا تيرۆرستێن داعشێ راگه‌هاند و دووپاتكر كو كريارێن داعش نه‌ك هه‌ر دژ ب ئيسلام و بنه‌ما و په‌يامى ئيسلامه،به‌لكو دژ ب هه‌موو به‌ها مرۆڤى و ئه‌خلاقيه‌كانه و هۆكاره‌كه بۆ ئيحراجبوونى موسلمانان ل ناوچه‌يێ سه‌رانسه‌رى جيهانێ،بلێن دا ژى كو ل سه‌ر ڤى باره‌ى هه‌ولێن خۆ چربكه‌ت و په‌يامه‌كێ ئاراسته‌ى ناڤه‌ندێن ئيسلامى و ئه‌ره‌بى بكه‌ت و رايا خۆ يا شه‌رعى لسه‌ر ڤى بارى ده‌رببرت.
