شێخ شامۆ:پلانا په‌كه‌كێ قه‌بوول ناكه‌ين و ل دژى وێ دێ سه‌كنين
ئێزديخان نيوز:
نونه‌رێ كوردێن ئێزدى ل په‌رله‌مانێ كوردستانێ راگه‌هاند،سه‌رۆك بارزانى و پارتى دێ شنگال و شنگالييان پارێزن،هيچ كه‌س و لايه‌نه‌كى نابت ده‌ست تێوه‌ردانێ ل ناڤ كاروبارێن شنگالێ بكه‌ت،چنكو ل دووڤ پێزانينان په‌كه‌كێ دڤێت ل پشتى رزگاركرنا شنگالێ ژ ده‌ستێن داعشێ داگير بكه‌ن.
شێخ شامۆ،نونه‌رێ كوردێن ئێزدى ل په‌رله‌مانێ كوردستانێ،بۆ مالپه‌رێ فه‌رميێ پارتى ديموكراتى كوردستان گۆت:شنگال سه‌ر ب هه‌رێما كوردستانێ يه و خه‌باتا په‌كه‌كه و په‌يه‌ده ل باكوور و رۆژئاڤايێ كوردستانێ يه،ئه‌وان هيچ په‌يوه‌ندى ب شنگالێ يه ڤه نينه،هه‌ر وه‌خته‌كى هاتنا وان بۆ هاريكاريكرنا خه‌لكێ شنگال و ئازادكرنا وان ناوچه‌يان نه‌بوو،به‌لكو هاتنا وان بۆ مه‌ره‌مێن خۆ و لێدانا پارتى و تێكدانا بارودۆخێ ناوچه‌يێ بوو.
شامۆ گۆتژى په‌كه‌كه به‌رده‌وام كارى بۆ تێكدانا ره‌وشا ناوچه‌يێ دكه‌ت و ئه‌ڤه بوويه پيشه‌يا وان،نهۆ ژى وان دڤێت كێشه و ئالۆزيان چێكه‌ن ب تايبه‌ت نهۆ ب سه‌رپه‌رشتيا(سه‌رۆك بارزانى)به‌رهه‌ڤى يێ دئێنه كرن بۆ ئازادكرنا شنگالێ و ناوچه‌يێن دى،دگه‌ل هندێ وان دڤێت پشتى ده‌رێخستنا داعشێ شنگالێ داگير بكه‌ن.
نونه‌رێ كوردێن ئێزدى دبێژت ژى ئه‌ڤ ماوێ ساله‌كێ ئه‌و ل كوڤه بوون،بۆ تا نهۆ شنگال ئازاد نه‌كريه و نه‌چۆينه ناڤ شنگالێ،ئه‌وا ئه‌و دكه‌ن فتنه و دووبه‌ره‌كييه و پيلانا وان ژى پيلانا دوژمنى يه و ئه‌ڤه شك ژ لايێ مه ڤه جيێ قه‌بوولكرنێ نينه و ل دژى دێ سه‌كنين.
