ژماره‌كا قوتابخانا ل شێخان هاتنه‌ ڤه‌كرن

ئێزديخان نيوز:

ب ئاماده‌بوونا(د.پشتيوان صادق)وه‌زيرێ په‌روه‌ردا حكومه‌تا هه‌رێما كوردستانێ و(عبد يوسف)رێڤه‌به‌رێ گشتى يێ په‌روه‌ردا پارێزگه‌ها دهۆكێ،ژماره‌كا قوتابخانا ل سنوورێ قه‌زا شێخان هاتنه‌ ڤه‌كرن.

 راگه‌هاندنا رێڤه‌به‌ريا گشتى يا په‌روه‌ردا پارێزگه‌ها دهۆكێ راگه‌هاند،ژبۆ نێزيك ئاگه‌هداربوون ب ره‌وشا په‌روه‌ردێ،ل رێككه‌فتى(27/10/2015)وه‌زيرێ په‌روه‌ردا حكومه‌تا هه‌رێما كوردستانێ و شاندێ دگه‌ل دا سه‌را پارێزگه‌ها دهۆكێ دا.  

دده‌ستپێكا سه‌ره‌دانا خۆ دا سه‌را قه‌زا شێخان دا و ژلايێ قايممقامێ شێخان و رێڤه‌به‌رێ گشتى يێ په‌روه‌ردا پارێزگه‌ها دهۆكێ و رێڤه‌به‌رێ په‌روه‌ردا قه‌زا شێخان و ژماره‌يه‌كا به‌رپرسێن ئيدارى و حزبى يێن ده‌ڤه‌رێ پێشوازى لێ هاته‌ كرن.

دڤێ سه‌ره‌دانێ دا ژماره‌كا قوتابخانا ل سنوورێ په‌روه‌ردا شێخان هاتنه‌ ڤه‌كرن،كو لسه‌ر بوودجێ حكومه‌تا هه‌رێما كوردستانێ هاتينه‌ ئاڤاكرن.