قوتابيێن كوردێن ئێزدى يێن ب شێوێ مێڤان ل زانكۆ و په‌يمانگه‌هێن هه‌رێما كوردستانێ هاتينه وه‌رگرتن ده‌ست ب ده‌واما خۆ كرينه و ئه‌ڤ قۆناغه ب دوماهى هاتيه،لژنا قوتابيان ل بنگه‌هێ لالش ژى ده‌ست ب قۆناغا ڤه‌گۆهاستنا قوتابيان كريه.
ره‌عه‌د تارق،رێكخه‌رێ لژنا قوتابيان ل بنگه‌هێ لالش دداخويانييه‌كێ دا بۆ ئێزديخان نيوز گۆت: قۆناغا قوتابيێن مێڤان يێن ل زانكۆ و په‌يمانگه‌هێن هه‌رێما كوردستانێ هاتينه وه‌رگرتن ب دوماهى هاتيه و نهۆ قوتابيان ده‌ست ب ده‌واما خۆ كرينه،قۆناغا دى يا ڤه‌گۆهاستنا قوتابيان نهۆ ئه‌م يێ كارى لسه‌ر دكه‌ين.
تارق ئاشكه‌راكرژى دگه‌ل ده‌ركه‌فتنا قه‌بوليات و ده‌ستپێكرنا ده‌واما راسته‌وخۆيا هه‌رێمێ يا قۆناغا ئێكێ،دێ رازه‌مه‌نديێن ڤه‌گۆهاستنا قوتابيێن قۆناغا ئێكێ يێن سالێن2012_2013و 2013_2014 ب شێوه‌يه‌كى دوماهى ده‌ركه‌ڤن.
