ل ئه‌لمانيا چاڤپێكه‌فتنه‌ك ل سه‌ر ره‌وشا ئێزديان ب رێڤه‌چۆ
ئێزديخان نيوز:
ب ئاماده‌بوونا شاندێ ئێزديێن كوردستانێ و كۆمه‌كا كه‌سايه‌تيێن دبوارێن ئێزدياتيێ و ره‌وشه‌نبيرى دا كاردكه‌ن و چه‌ندين كه‌نالێن راگه‌هاندنێ،چاڤپێكه‌فتنه‌كا دانوستاندنێ ل باره‌گايێ بنگه‌هێ لالش ل ئه‌لمانيا ل دۆر ره‌وشا ئێزديان و ئاواره‌يێن ئێزدى ل كه‌مپێن هه‌رێما كوردستانێ ب رێڤه چۆ.
كۆڤان گێنجۆ،ئه‌ندامێ بنگه‌هێ لالش ل ئه‌لمانيا ب ئێزديخان نيوز راگه‌هاند،پشتى ب دوماهيك هاتنا به‌شدارييا شاندێ ئێزديێن كوردستانێ دكۆنفرانسێ سالانه يێ مالا ئێزديان ل ئۆلدنبۆرك،پاشى شاندێ ناڤبرى سه‌ره‌دانا باژێرێ بيليفيلد كر ب مه‌ره‌ما ديتنا ره‌ڤه‌ندا كوردێن ئێزدى ل وى باژێرى،ئه‌ڤ چاڤپێكه‌فتن ل باره‌گايێ بنگه‌هێ لالش ل بيليفيلد ب ئاماده‌بوونا كۆمه‌كا كه‌سايه‌تيێن دبوارێن ئێزدياتيێ و ره‌وشه‌نبيرى دا كاردكه‌ن و چه‌ندين كه‌نالێن راگه‌هاندنێ هاته ئه‌نجامدان كو ل دۆر ر ره‌وشا ئێزديان و ئاواره‌يێن ئێزدى ل كه‌مپێن هه‌رێما كوردستانێ بوو.
ئه‌ندامێ بنگه‌هێ لالش گۆتژى ڤێ چاڤپێكه‌فتنێ نێزيكى دوو ده‌مژمێرا ڤه‌كێشا و دانوستاندنه‌كا گه‌رم ل سه‌ر ره‌وشا ئێزديان و ئاواره‌يێن ئێزدى ل كه‌مپێن هه‌رێما كوردستانێ هاته كرن و شاندێ ناڤبرى ب تێر و ته‌سه‌لى به‌رسڤا پرسيارێن ئاماده‌بوويان دا.
