شانده‌كى حكومه‌تا هه‌رێمێ دێ ئازارێن ره‌ڤانديێن ئێزدى گه‌هينته‌ كۆمارا مسرێ

ئێزديخان نيوز:

نڤيسينگه‌ها راگه‌هاندنا رێڤه‌به‌رييا گشتييا كاروبارێن ئێزديان ل هه‌رێما كوردستانێ رادگه‌هينت،ئيرۆ رێككه‌فتى 2/10/2015شانده‌كى حكومه‌تا هه‌رێمێ دێ چته‌ كۆمارا مسر يا ئه‌ره‌بى و دێ ئازارێن ره‌ڤانديێن ئێزديان گه‌هينه‌ مفتى ديار يا مسرى و مشيخه‌ ئه‌زهه‌ر و الانبا تواضروس بابا كه‌نيسا قه‌بتيا و داخوازێ ژێ كه‌ن هه‌لويسته‌ك هه‌بت و نامه‌يه‌كێ پێشكێشى جيهانا ئه‌ره‌بى و ئيسلامى بكن بۆ به‌ردانا ئێخسيرێن ڤان قوربانييان. 

نڤيسينگه‌ها راگه‌هاندنا رێڤه‌به‌رييا گشتييا كاروبارێن ئێزديان ل هه‌رێما كوردستانێ ئاماژه‌كريه‌ ژى كو شاندێ حكومه‌تا هه‌رێمێ ژ خێرى بۆزانى رێڤه‌به‌رێ گشتيێ كاروبارێن ئێزديان و خالد جه‌مال رێڤه‌به‌رێ گشتيێ كاروبارێن مه‌سيحييان و مه‌ريوان نه‌قشه‌به‌ندى به‌رپرسێ په‌يوه‌نديێن وه‌زاره‌تا ئه‌وقافێ و حه‌سۆ هورمى رێكخه‌رێ شاندى پێك دئێت و دێ ل گه‌ل  مفتى ديار يا مسرى و مشيخه‌ ئه‌زهه‌ر و الانبا تواضروس بابا كه‌نيسا قه‌بتيا كۆمبن ژبۆ گه‌هاندنا ئازارێن ره‌ڤانديێن ئێزديان يێن دده‌ستێ تيرۆرستێن داعشێ دا. 

  راگه‌هاندنا رێڤه‌به‌رييا گشتييا كاروبارێن ئێزديان ئه‌و چه‌نده‌ ژى خوياكريه‌ كو ڤى شاندى دێ چه‌ند چالاكى هه‌بن وه‌كى پێشكێشكرنا سميناران ل دۆر ره‌وشا كێمينه‌يێن ئايينى ل عيراقێ.