التخطي إلى المحتوى الرئيسي
بحث هذه المدونة الإلكترونية
گه‌نجێن ئێزدى دێ ل ئه‌لمانيا به‌رده‌واميێ ده‌نه خوندنێ
ئێزديخان نيوز:
ئه‌و گه‌نجێن ئێزدى يێن ژ هه‌رێما كوردستانێ و عيراقێ كۆچ دكه‌نه وه‌لاتێ ئه‌لمانيا حه‌ز دكه‌ن ده‌ستان ژ خوندنا خۆ به‌رنه‌ده‌ن و به‌رده‌واميێ بده‌نێ،ئه‌ندامه‌كى بنگه‌هێ لالش ل ئه‌لمانيا رادگه‌هينت ژى كو ئه‌و يێ كارى ل گه‌ل چه‌ند رێكخراوان دكه‌ن بۆ هاريكاريكرنا خونده‌ڤانان.
دلشاد سمۆ،به‌رپرسێ به‌شێ ره‌وشه‌نبيريێ بنگه‌هێ لالش ل ئه‌لمانيا دبێژت:گه‌نجێن ئێزدى وه‌ك هه‌ر گه‌نجێن غه‌ريبيا ل ئه‌لمانيا پێتڤى هاريكارييه‌كا زێده‌نه،كو پتريا جاران يا ب زحه‌مه‌ته ژلايێ ده‌يك و بابان ڤه بێته كرن،له‌وما زۆر ده‌زگه ل ئه‌لمانيا هه‌نه بۆ هاريكاريا گه‌نجا دبابه‌تێن جودا جودا دا ب مه‌ره‌ما خزمه‌تكرنا وان داكو ئه‌و بكارن خوندنا خۆ به‌رده‌وام بكه‌ن، ديسان گه‌له‌ك گه‌نج ژبه‌ر ئه‌گه‌رێن جودا وه‌كى بارێ خێزانێ يێ ئابوورى يا نه‌بوونا هاريكاريا و ئامۆژگارييا خوندنا خۆ دبرن بێ كو باوه‌رنامه‌يه‌كا بلند ب ده‌ست ڤه بينن و تنێ خۆ فێرى پيشه‌كێ و ده‌ست ب كارى دكه‌ن و چه‌نده‌كێ دێ هه‌ول ده‌ن پتر خۆ زه‌حمه‌ت بده‌ن و خوندنێ تادوماهيێ ئه‌نجام بده‌ن.
سمۆ ته‌كه‌زكر،وه‌ك ئه‌ندامێ ده‌ست نيشانكرى يێ بنگه‌هێ لالش ل ئه‌لمانيا كار دكه‌م ل گه‌ل چه‌ند ريكخراوا ژبۆ هاريكاريا خونده‌ڤانا و ديتنا پيشا و كارێت پراكتيكى.
ياسر هه‌وێرى، گه‌نجه‌كى ئێزديه ژ عێراقێ قه‌ستا ئه‌لمانيا كريه گۆت:ئه‌گه‌ر هاريكاريا مه بێته كرن دێ ل وه‌لاتێ ئه‌لمانيا به‌رده‌واميێ ده‌ينه خوندنا خۆ دا باوه‌رنامه‌يان ب ده‌ست خۆ ڤه بينين و خزمه‌تا جڤاكێ خۆ بكه‌ين.
زيدزياد ،گه‌نجه‌كى دێ يێ ئێزديه قه‌ستا ئه‌لمانيا كريه دياركر،پشتى مافێ په‌نابه‌ريێ وه‌ردگرين دێ به‌رده‌واميێ ده‌ينه خوندنا خۆ و داخوازێ ژهه‌موو گه‌نجێن ئێزدى يێن ل ئه‌لمانيا ئاكنجى دكه‌م ده‌ست ژ خوندنێ به‌رنه‌ده‌ن.
