ل كه‌مپا پێكڤه‌ژيانێ ل هاڤينگه‌ها ئاشاوا، سه‌رۆكێ ده‌سته‌يا بلندا بنگه‌هێ لالش سميناره‌ك پێشكێشكر و راگه‌هاند، كو ئه‌و پێكڤه‌ژيانا دناڤبه‌را ئێزدى و مه‌سيحييان و بوسلمانان دا يا ل شنگالێ هاتيه پاراستن باشترين به‌لگه‌يه و هنده‌ك ئه‌ره‌بێن ده‌وروبه‌رێن شنگالێ يارى ب پێكڤه‌ژيانێ كرن و خيانه‌ته‌كا مه‌زن ل شنگاليان كرن.
دسميناره‌كێ دا شێخ شامۆ،سه‌رۆكێ ده‌سته‌يا بلندا بنگه‌هێ لالش دياركر ئايينێ ئێزديان ب هه‌موو تێگه‌هێ خۆڤه ئايينه‌كى ئاشتيخوازه،له‌وا گه‌ره‌كه ئه‌م هه‌رده‌م ل رێزا به‌راهيێ بن بۆ خورتكرنا پێكڤه‌ژيانێ.
شێخ شامۆ گۆتژى ئه‌و پێكڤه‌ژيانا دناڤبه‌را ئێزدى و مه‌سيحييان و بوسلمانان دا يا ل شنگالێ هاتيه پاراستن باشترين به‌لگه‌يه و هنده‌ك ئه‌ره‌بێن ده‌وروبه‌رێن شنگالێ يارى ب پێكڤه‌ژيانێ كرن و خيانه‌ته‌كا مه‌زن ل شنگاليان كرن.
كه‌مپا پێكڤه‌ژيانێ ژلايێ رێڤه‌به‌رييا گشتى يا ره‌وشه‌نبيرى و هونه‌رى ل دهۆكێ ب هه‌ڤكارى دگه‌ل رێكخراوا هاريكار هاتيه ڤه‌كرن و دێ بۆ ماوێ هه‌فتيه‌كێ ڤه‌كێشت.
