ل دهۆكێ سندس سالم تشته‌كى گرنگ بۆ خێزانێن ئێزدى گۆت
ئێزديخان نيوز:
نڤيسكار و هه‌لبه‌ستڤان(سندس سالم) ئيرۆ ل بنگه‌هێ لالش ل دهۆكێ به‌حسێ ئازارێن خێزانا ئێزدى ل ده‌رڤه‌ى وه‌لاتى كر و راگه‌هاند،يا پێدڤيه دانوستاندن دناڤبه‌را هه‌موو ئه‌ندامێن خێزانێ دا هه‌بتن و ده‌يك و باب كۆنترۆلێ لسه‌ر زارۆكێن خۆ بكه‌ن.
ب ئاماده‌بوونا ژماره‌يه‌كا كه‌سايه‌تى و مامۆستا و ره‌وشه‌نبير و كچ و كوران، ئيرۆ ل رێككه‌فتى(10/10/2015)و ل ده‌مژمێر چارى ئێڤارى،ده‌سته‌يا بلندا بنگه‌هێ لالش ل دهۆكێ سميناره‌ك ل دۆر ئازارێن خێزانێن كوردى ل ده‌رڤه‌ى وه‌لات و ئێزدى وه‌ك نمونه بۆ نڤيسكار و هه‌لبه‌ستڤان(سندس سالم) ل دارخست.
دسمينارا خۆ دا سندس سالم به‌حسێ وێ پێنگاڤا گه‌نجێ ئێزدى ب ناڤێ على كر ده‌مێ ژيانا هه‌ڤژينيێ دگه‌ل رزگاربوويه‌كا ئێزدى پێك ئينايى و ده‌ست خۆشى لێ كر و ب پێنگاڤه‌ك گرنگ ل قه‌له‌م دا،پاشى به‌حسێ ئازارێن خێزانێن كوردى ل ده‌رڤه‌ى وه‌لات و ئێزدى وه‌ك نمونه كر و گۆت:گه‌نجێن ئێزدى چ كچ يان كور تووشى گه‌له‌ك ئاريشان بووينه و هه‌ينه ژ يا خێزانا خۆ ناكه‌ن و دوورن ژ خێزانا خۆ و ژ ده‌ست ده‌ركه‌فتينه ژى،ئه‌ڤ چه‌نده ژى هه‌كه نه‌ئێته چاره‌كرن دێ ئاريشه ژێ په‌يدابن.
ژلايه‌كى ديڤه ژى گۆت:پێدڤيه خێزانێن ئێزدى زارۆكێن خۆ باش په‌روه‌رده‌بكه‌ن و گه‌لێك دگونجاى بن و نێزيكى هه‌ڤ دوو بن.
ل داوييا سمينارێ ئاماده‌بوويان چه‌ند پرسيار ئاراسته‌ى سمينار بێژێ كرن و ده‌رگه‌هێ دانوستاندنێ هاته ڤه‌كرن و پاشى سندس سالم چه‌ند هۆزان پێشكێشكرن.
