التخطي إلى المحتوى الرئيسي
بحث هذه المدونة الإلكترونية
نێزيكى 2 هه‌زار قوتابيێن ئێزدى دێ ل زانكۆ و په‌يمانگه‌هێن هه‌رێمێ ئێنه وه‌رگرتن
ئێزديخان نيوز:
پرۆسه‌يا وه‌رگرتنا قوتابيێن ئێزدى ل زانكۆ وپه‌يمانگه‌هێن ل سالا 2006ده‌ستپێكريه و بۆ سالا خواندنێ يا 2015_2016نێزيكى قوتابيان دێ ئێنه وه‌رگرتن.
شێخ شامۆ،ئه‌ندامێ په‌رله‌مانێ كوردستانێ و سه‌رۆكي ده‌سته‌يا بلندا بنگه‌هێ لالش ب مالپه‌رێ فه‌رميێ پارتى ديموكراتى كوردستان راگه‌هاند،ل دووڤ وێ ليستا قوتابيێن زانكۆ و په‌يمانگه‌هان يا ل نك مه و رازه‌مه‌ندييا سه‌رۆكێ حكومه‌تا هه‌رێما كوردستانێ(نێچيرڤان بارزانى) پێ ده‌رچۆيه كو نهۆ ل وه‌زاره‌تا خواندنا بلنده،پرۆسا وه‌رگرتنا قوتابيێن كوردێن ئێزدى ل زانكۆ وپه‌يمانگه‌هێن ل سالا 2006ده‌ستپێكريه و سالانه ل زانكۆ و په‌يمانگه‌هێن هه‌رێمێ دئێنه وه‌رگرتن،وه‌ك بنگه‌هێ لالش ژى بۆ ڤێ مه‌به‌ستێ ل ناڤبه‌را به‌غدا و هه‌رێمێ دا مه كاركريه و ژماره‌يا قوتابيێن هه‌تا نهۆ هاتينه وه‌رگرتن گه‌هشتيه شه‌ش هه‌زار قوتابى.
شێخ شامۆ گۆتژى دڤێ ره‌وشا نهۆ ئێزدى تێرا ده‌ربازدبن و ئه‌و كاره‌ساتا ب سه‌رێ خه‌لكێ مه هاتى،سه‌رۆكاتييا حكومه‌تا هه‌رێما كوردستانێ گه‌هشتيه وێ باوه‌ريێ كو ئه‌و قوتابيێن ئێزدى يێن وه‌كو مێهڤان ده‌وامێ دكه‌ن بێنه ڤه‌گۆهاستن و ئه‌وێن ديتر ژى يێن ل پۆلا دوازدێ ده‌وامێ دكه‌ن ل دوڤ رێژه‌يا نه‌مرێن وان وه‌كو قوتابيێن هه‌رێمێ دێ ئێنه وه‌رگرتن.
ئه‌ندامێ په‌رله‌مانێ كوردستانێ ئاماژه ب وێ چه‌ندێ ژى كر كو رێژه‌يا وان قوتابيێن ئه‌ڤ ساله دێ ئێنه وه‌رگرتن ل دووڤ وێ ليستا ل به‌رده‌ستێ مه هه‌زار و 400قوتابينه و پێشبينى دكه‌ين ئه‌ڤ رێژه‌يه زێده بتن بۆ زێده‌ترى 2 هه‌زار قوتابيان،چنكو ژماره‌يه‌كا قوتابيان ل چه‌ند سالێن بۆرى دا نكارينه درێژيێ ب خوندنا خۆ بده‌ن.
